امەريكالىق Forbes جۋرنالى الەمدەگى ەڭ باي ادامداردىڭ رەيتينگىن جاريالادى.
اتالمىش تىزىمگە قازاقستاننىڭ التى ازاماتى كىرگەن، دەپ حابارلايدى Almaty-akshamy.kz Egemen.kz-كە سىلتەمە جاساپ.
Forbes نۇسقاسى بويىنشا ەڭ باي قازاقستاندىق - ۆلاديمير كيم. ول - KAZ Minerals كومپانياسىنىڭ پرەزيدەنتى. كاسىپكەر «قازاقمىس كورپوراسياسى» ءجشس-نىڭ ماجوريتارلىق يەسى بولىپ سانالادى.
رەيتينگ بويىنشا 636-شى ورىندا تۇرعان تيمۋر مەن دينارا قۇلىبايەۆتاردىڭ ءارقايسىنىڭ اكتيۆتەرى 4،3 ميلليارد دوللاردى قۇرايدى.
تيمۋر قۇلىبايەۆ سينگاپۋرلىق Steppe Capital Pte Ltd كومپانياسىنىڭ ۇلەسىنە يە. ول - Joint Resources اق-نىڭ جالعىز يەسى. قۇلىبايەۆ «كيپروس» ءجشس-نىڭ نەگىزگى يەسى، بۇدان باسقا Mercury Properties ج ش س اكسيالارىنىڭ باقىلاۋ پاكەتىنە يە.
ول سونداي-اق ءوزىنىڭ زايىبى دينارا قۇلىبايەۆامەن تەڭ دارەجەدە «فيرما المەكس پليۋس» ج ش س مەن «المەكس» حولدينگتەر توبىنا يەلىك ەتەدى. Halyk Bank-تە قۇلىبايەۆتار 69،52 پايىزىعا تەڭ قۇقىلى. ال دينارا قۇلىبايەۆانىڭ ءوزى نۇرسۇلتان نازاربايەۆ ءبىلىم قورىنىڭ جالعىز قۇرىلتايشىسى.
تىزىمدە Kaspi.kz سايتىنىڭ اكسيونەرى جانە ديرەكتورلار كەڭەسىنىڭ ءتوراعاسى ۆياچەسلاۆ كيم دە بار. ونىڭ بايلىعى 3،6 ميلليارد دوللارعا باعالانادى. وسىلايشا، ۆياچەسلاۆ كيم Forbes-تىڭ 787ء-شى ورنىنا تۇراقتادى.
ەڭ باي قازاقستاندىقتاردىڭ قاتارىندا تيمۋر تۋرلوۆ تا بار. ول Forbes real-time جاھاندىق رەيتينگىندە 3،1 ميلليارد دوللار بايلىعىمەن 949-شى ورىنعا تابان تىرەدى.
ەڭ باي قازاقستاندىقتاردىڭ ءتىزىمىن رەيتينگتىڭ 1104ء-شى قاتارىندا تۇرعان بولات وتەمۇراتوۆ اياقتادى. جۋرنال ونىڭ بايلىعىن 2،7 ميلليارد دوللارعا باعالادى.