Fitch حالىقارالىق رەيتينگ اگەنتتىگى قازاقستاننىڭ تاۋەلسىز كرەديتتىك رەيتينگىن «BBB» دەڭگەيىندە راستادى، بولجام «تۇراقتى»، دەپ حابارلايدى Almaty-akshamy.kz Inform.kz-كە سىلتەمە جاساپ.
ەلىمىزدىڭ رەيتينگىسىن قولدايتىن نەگىزگى فاكتورلار - قۋاتتى فيسكالدىق جانە سىرتقى تەڭگەرىمدەر. اگەنتتىك ساراپشىلارىنىڭ پىكىرىنشە، ولار سىرتقى كۇيزەلىستەرگە تۇراقتىلىعىن دالەلدەدى. سونداي-اق، ءىرى فيسكالدى بۋفەرلەر سىرتقى تازا كرەديتور مارتەبەسىن ساقتاۋعا مۇمكىندىك بەردى.
تازا شەتەلدىك اكتيۆتەر بويىنشا قازاقستانعا جوعارى تاۋەلسىز پوزيسيا بەرىلدى، ول 2021 جىلدىڭ سوڭىندا ءجىو-نىڭ 37%-ىن قۇرادى.
Fitch ەسەبىندە اتاپ وتىلگەندەي، قازاقستاندىق بانك سەكتورىنىڭ كاپيتال قورى جەتكىلىكتى دەڭگەيدە. 2022 جىلعى 3 توقسانداعى جاعداي بويىنشا جۇمىس ىستەمەيتىن كرەديتتەردىڭ كوەففيسيەنتى 4،6% قۇرادى.
ساراپشىلاردىڭ پىكىرىنشە، ۇلتتىق ۆاليۋتاداعى سالىمدار بويىنشا جوعارى پايىزدىق مولشەرلەمەلەر جانە باسقا دا ءبىرقاتار شارالار دەپوزيتتەردە قاراجاتتى ساقتاپ قالۋعا مۇمكىندىك بەردى.
جاقىن ۋاقىتتان بەرى رەيتينگتىڭ نەگىزگى فاكتورلارىنىڭ قاتارىنا ESG كورسەتكىشتەرى قوسىلدى.
«نەسيە بەرۋشىلەردىڭ قۇقىقتارى» ينديكاتورى بويىنشا 20 جىلدان استام ۋاقىت بويى مەملەكەتتىك بورىشتى قايتا قۇرىلىمداۋعا جول بەرمەۋ قر-دىڭ كرەديتتىك قورجىنىنا وڭ اسەر ەتۋدە، - دەلىنگەن Fitch ەسەبىندە.