جەكپە-جەك ءبىرىنشى راۋندتا-اق قازاقستاندىق سپورتشىنىڭ جەڭىسىمەن اياقتالدى
بوكستان الەم چەمپيونى بولعان فيرۋزا ءشارىپوۆا مما الاڭىنداعى ەكىنشى ايقاسىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق بوكسشى 18 قاراشا الماتىدا وتكەن Octagon 37 ارالاس جەكپە-جەك تۋرنيرىندە ازەربايجاندىق گۇنەل امىربەكوۆامەن وكتاگونعا شىققان بولاتىن.
اسا جەڭىل سالماقتاعى ايقاس ءۇش راۋندقا شاقتالعانىمەن، ءبىرىنشى راۋندتا-اق قازاقستاندىق سپورتشىنىڭ جەڭىسىمەن اياقتالدى. ول تۇنشىقتىرۋ ادىسىمەن قارسىلاسىنان باسىم ءتۇستى.
بۇل - فريزانىڭ ەكىنشى جەڭىسى بولسا، گۇنەلدىڭ سپورت كارەراسىنداعى ءۇشىنشى جەڭىلىسى.
ەسكە سالايىق، بيىلعى 29 شىلدەدە فيرۋزا ءشارىپوۆا مما-دا دەبيۋت جاسادى. ول ءبىرىنشى راۋندتا رەسەيلىك كارينا ونداسىنوۆانى بۋىندىرۋ ادىسىمەن جەڭدى.
فيرۋزانىڭ كاسىپقوي بوكستاعى جەتىستىكتەرىنە كەلسەك، ول IBA جانە WBU نۇسقالارى بويىنشا الەم چەمپيونى بولدى.
ال وتكەن جىلدىڭ جەلتوقسانىندا «ءابسوليۋتتى» چەمپيون اتاعىنا تالاستى، ءبىراق جەڭىلىپ قالدى.