تايفۋننىڭ ەپيسەنترى بيندين پروۆينسياسىنا قاراي جىلجۋدا
فيليپپيندەگى تىنىق مۇحيتىنداعى «راي» تايفۋنى سالدارىنان قۇربان بولعانداردىڭ سانى 169-عا جەتتى. كەم دەگەندە 107 ادام جارالاندى، تاعى 50 ادام ءىز-تۇزسىز جوعالىپ كەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بيلىكتىڭ مالىمەتىنشە، قازا تاپقانداردىڭ ەڭ كوپ سانى ورتالىق ۆيساييا ايماعىندا – 129 ادام، باتىس ۆيساييا ايماعىندا – 22، كاراگا ايماعىندا – 10، سولتۇستىك مينداناودا – جەتى، زامبوانگا تۇبەگىندە تاعى ءبىر ادام تىركەلگەن.
بۇعان دەيىن France-Presse اگەنتتىگى تابيعي اپات سالدارىنان 108 ادامنىڭ وپات بولعانىن حابارلاعان.
ءفيليپپيننىڭ شىعىس ۆيساييا ايماعىنىڭ بيلىگى تايفۋننىڭ جاقىنداۋىنا بايلانىستى 82 مىڭنان استام جەرگىلىكتى تۇرعىندى ەۆاكۋاسيالادى. تۇرعىندار وڭتۇستىك لەيتە، لەيتە، سامار، شىعىس سامار، سولتۇستىك سامار جانە بيليران پروۆينسيالارىنداعى 274 ەۆاكۋاسيالىق ورتالىققا كوشىرىلدى.
ۆەتنامنىڭ گيدرومەتەورولوگيالىق بولجاۋ ۇلتتىق ورتالىعىنىڭ مالىمەتىنشە، تايفۋننىڭ ەپيسەنترى ۆەتنامنىڭ بيندين پروۆينسياسىنا قاراي جىلجۋدا.