فيفا باسشىسى قازاقستان كەلۋگە دايىن
فيفا-نىڭ پاريجدەگى ەۋروپالىق كەڭسەسىندە فيفا پرەزيدەنتى دجانني ينفانتينو مەن قفف باسشىسى ادىلەت بارمەنقۇلوۆ اراسىندا كەزدەسۋ ءوتتى، دەپ حابارلادى Almaty-akshamy.kz.
كەزدەسۋدە قازاقستاندىق دەلەگاسيا ەلىمىزدەگى بۇقارالىق فۋتبولدى دامىتۋ جوباسىن ۇسىندى. جوبادا فۋتبولدى ناسيحاتتاۋ، دايىندىق جانە جارىس جۇيەلەرى، سونىمەن قاتار فۋتبول ينفراقۇرىلىمىن جاقسارتۋ ماسەلەلەرى دە قامتىلعان.
دجانني ينفانتينو سول جوبالاردى جۇزەگە اسىرۋ ءۇشىن قازاقستان فۋتبول فەدەراسياسىنا جان-جاقتى قولداۋ كورسەتۋگە دايىن ەكەنىن اتاپ ءوتتى. سونىمەن قاتار قازاقستاندىق فۋتبول ماماندارىنا ارنالعان ءبىلىم بەرۋ پروسەسىن ۇيىمداستىرۋدا فيفا-نىڭ تەحنيكالىق كومانداسى كومەك كورسەتەتىنىن جەتكىزدى.
تاراپتار فيفا مەن قفف ىنتىماقتاستىعى اياسىندا قازاقستان اۋماعىندا فيفا ءىس-شارالارىن وتكىزۋ، سونىمەن قاتار ورتالىق ازيا فۋتبول قاۋىمداستىقتارىنىڭ ءوزارا قارىم-قاتىناسىن جاقسارتۋ سۇراقتارىن تالقىلادى.
وسى سۇراقتاردى ءارى قاراي تالقىلاۋ ماقساتىندا فيفا باسشىسى قازاقستان كەلۋگە دايىن.