قازاقستان رەسپۋبليكاسى مادەنيەت جانە اقپارات مينيسترلىگىنىڭ تاپسىرىسى بويىنشا قىزىلوردا وبلىستىق «جاس ۇلان» ءبىرىڭعاي بالالار مەن جاسوسپىرىمدەر ۇيىمى «ازاماتتىق باستامالاردى قولداۋ ورتالىعىمەن» بىرلەسىپ، 2023–2024 جىلدارى «Fenomen Jas» الەۋمەتتىك جوباسىن جۇزەگە اسىردى، دەپ حابارلايدى aqshamnews.kz.
جوبانىڭ ماقساتى – تاۋەلسىزدىك جىلدارىندا تابىسقا جەتكەن جاستاردى ناسيحاتتاۋ، NEET جاستارىنا ۇلگى بولۋ، مەنتورلىق مەكتەپتەردى دامىتۋ جانە مەملەكەتتىك باعدارلامالاردى ىسكە اسىرۋعا بەلسەندى جاستاردى تارتۋ.
جوبا اياسىندا قازاقستاندىق تابىستى جاستاردىڭ قاتىسۋىمەن موتيۆاسيالىق كەزدەسۋلەر، سەمينار-ترەنينگتەر، وفلاين جانە ونلاين ءىس-شارالار ۇيىمداستىرىلدى. 100 كۇندىك «Jastar tańdaýy» مارافونى وتكىزىلدى، ونىڭ بارىسىندا جاستارعا شىعارماشىلىق، الەۋمەتتىك، ينتەللەكتۋالدىق جانە فيزيكالىق باعىتتا تاپسىرمالار بەرىلدى. ەكى جىل ىشىندە مارافونعا 237 ادام قاتىسىپ، جەڭىمپازدارعا 500 000 تەڭگە كولەمىندە جۇلدە بەرىلدى.
مەملەكەتتىك باستامالاردى تالقىلاۋ ءۇشىن 3 قالادا «Ted Talks» فورماتىنداعى ءىس-شارالار وتكىزىلدى. ساراپشىلار ستوريتەللينگ فورماتىندا تاجىريبەلەرىمەن ءبولىسىپ، قاتىسۋشىلار اراسىندا نەتۆوركينگ ۇيىمداستىرىلدى. ونلاين سەمينار-ترەنينگتەر ارقىلى قاتىسۋشىلار soft skills، ۋاقىتتى باسقارۋ جانە ماقسات قويۋ سياقتى ماڭىزدى داعدىلاردى مەڭگەردى.
سونىمەن قاتار، «Uly dala saryny» سىيلىعى تابىستالدى، ونىڭ جۇلدە قورى 2 ميلليون تەڭگەنى قۇرادى. جوبا اياسىندا جاستاردىڭ جەتىستىكتەرىن تانىتۋ ءۇشىن 10 سيۋجەت، 5 پودكاست جانە 4 بەينەروليك دايىندالىپ، كەڭ اۋديتورياعا ۇسىنىلدى.
«Fenomen Jas» جوباسى جاستاردىڭ بەلسەندىلىگىن ارتتىرىپ، ولاردىڭ قوعامعا قوسقان ۇلەسىن دارىپتەۋدە ۇلكەن ءرول اتقاردى.