الماتى اكىمدىگى فەمينيست بەلسەندىلەردىڭ 8 ناۋرىز كۇنى بەيبىت ميتينگ وتكىزۋ تۋرالى وتىنىشىنە تاعى دا تىيىم سالدى. رەسمي جاۋاپتا مۇنداي ءىس-شارانىڭ «قوعامدىق تارتىپكە ءقاۋىپ ءتوندىرۋى مۇمكىن» ەكەنى كورسەتىلگەن، دەپ حابارلايدى aqshamnews.kz
بەلسەندىلەر بۇل تۋرالى وزدەرىنىڭ Instagram پاراقشاسىندا حابارلادى:
«ءبىز 13 قاڭتار كۇنى اكىمدىككە 8 ناۋرىزدا ميتينگ وتكىزۋ تۋرالى حابارلاما مەن مارشقا ارنالعان ءوتىنىش جىبەردىك. الايدا 15 قاڭتاردا ميتينگكە رۇقسات بەرىلمەگەنى تۋرالى جاۋاپ الدىق. سەبەپ رەتىندە "قوعامدىق ءتارتىپتىڭ بۇزىلۋ ءقاۋپى“ كورسەتىلگەن. ءبىراق ءبىز بۇل شەشىممەن كەلىسپەيمىز جانە ونى سوت ارقىلى قايتا قاراۋعا نيەتتىمىز. ال مارشقا قاتىستى جاۋاپ ازىرگە تۇسكەن جوق».
بەلسەندىلەر اكىمدىكتىڭ بۇل شەشىمىن قابىلداماۋ سەبەبىن ءتۇسىندىرىپ، ونى زاڭدى تۇردە قايتا قاراۋدى تالاپ ەتپەك. ولاردىڭ ايتۋىنشا، بۇل تىيىم بيلىك تاراپىنان 15ء-شى رەت جاسالىپ وتىر.