اباي اتىنداعى قازاق ۇلتتىق وپەرا جانە بالەت تەاترى شىمكەنت قالاسىنىڭ تۇرعىندارىنا ءۇش بالەت سپەكتاكلىن ۇسىنادى.
اباي اتىنداعى قازاق ۇلتتىق وپەرا جانە بالەت تەاترى 4 جانە 5 مامىر كۇنى ساعات 19:00-دە ورىس دراما تەاترىنىڭ ۇلكەن ساحناسىندا شىمكەنت قالاسىنىڭ تۇرعىندارى مەن قوناقتارىنا ف.شوپەننىڭ “شوپەنيانا”، ي.س.باحتىڭ “باح شىعارماشىلىعىن تانۋ”، م.راۆەلدىڭ “بولەرو” اتتى بالەت سپەكتاكلدەرىن ۇسىنادى.
"شوپەنيانا" — فريدەريك شوپەننىڭ مۋزىكاسىنا جازىلعان بالەت سيۋيتاسى. سيۋجەتسىز سپەكتاكل – ارمان مەن ءومىر شىندىعى اراسىنداعى ماڭگىلىك تارتىسپەن، قول جەتپەس مۇراتتىڭ ۇستامسىزدىعىمەن رومانتيزم داۋىرىنە تاعزىم.
كلاسسيكالىق حورەوگرافيانىڭ ءىنجۋ-مارجاندارىنىڭ ءبىرى سانالاتىن م.فوكيننىڭ اتى اڭىزعا اينالعان حورەوگرافياسىن كوركەمدىك جەتەكشى ءارى بالەتمەيستەر گۇلجان تۇتكىبايەۆا قالپىنا كەلتىردى.
«بۇل سپەكتاكلدەر تەك قازاقستاندىق تەاترلاردا عانا ەمەس، فرانسيا مەن انگليا ساحنالارىندا دا ۇسىنىلىپ، كورەرمەن قاۋىمىن قۋانتتى. ەندى وسى بالەتتەردى شىمكەنت جۇرتشىلىعىنا ۇسىنباقپىز جانە ولار ءاربىر كورەرمەننىڭ جۇرەگىنەن ورىن تابادى دەپ سەنەمىز. بالەت ارتىستەرى قازىرگى باي رەپەرتۋارىنان بولەك، شىمكەنت قالاسىنا گاسترولدىك ساپارعا قىزۋ دايىندىق ۇستىندە»، - دەيدى اباي اتىنداعى قازۇوبت كوركەمدىك جەتەكشىسى گۇلجان تۇتكىبايەۆا، ق ر حالىق ءارتىسى. – «بالەت ترۋپپاسىنىڭ جۇمىسىن بولەك اتاپ وتكىم كەلەدى، ويتكەنى ءۇش قويىلىمدا دا ءبىر بيشىلەر قاتىسادى. بالەت ترۋپپاسى بەينەلەر مەن كوستيۋمدەردى تەز وزگەرتۋگە، ەموسيونالدى تۇرلەندىرۋگە، كلاسسيكالىق حورەوگرافيادان زاماناۋي حورەوگرافياعا قايتا وزگەرتۋلەرىنە، رولدەر مەن بيدەگى ارىپتەستەرىن الماستىرۋلارىنا تۋرا كەلەدى».
ديەۆيد دجوناتاننىڭ حورەوگرافياسى بويىنشا «باح شىعارماشىلىعىن تانۋ» نەوكلاسسيكالىق بالەتى كلاسسيسيزمنىڭ ابستراكتىلى دەكونسترۋكسياسى بولىپ تابىلادى. باحتىڭ مۋزىكاسى بۇرىنعىداي بىرىكتىرۋشى كلاسسيكالىق ەلەمەنت بولىپ قالا بەرەدى، ءبىراق ءبيدىڭ ەرەكشە جانە كۇتپەگەن حورەوگرافيالىق ءتىلى وسى تامىرلاردىڭ ۇزىلۋىنە تۇسپالدايتىنداي. ولاردىڭ كورىپ وتىرعانىنا قاراعاندا، زالداعى كورەرمەندەر قانداي دا ءبىر سەزىم تۇڭعيىعىنا باتىپ كەتكەن. «باح شىعارماشىلىعىن تانۋ» قويىلىمى لايىقتى ەۋروپالىق «Dance Europe» جۋرنالىنىڭ «New name to watch» نوميناسياسى بويىنشا بەدەلدى نوميناسياسىنا يە بولدى.
يسپانيانىڭ ەرەكشە بولمىستى ونەرىمەن ەتەنە تانىس موريس راۆەل، ايگىلى ءبيشى، ورىس بالەتىنىڭ ءسوليسى يدا رۋبينشتەيننەن العان اسەرىنەن قايتالانباس تۋىندى “بولەرونى” شىعارۋدى ويلادى. كەزىندە يدا ءپاريجدىڭ گراند-وپەرا ساحناسىندا يسپان تاقىرىبىنىڭ كورىنىسىن ارقاۋ ەتكەن حورەوگرافيالىق كومپوزيسيانى ورىنداۋدى كوزدەگەن ەدى.
حورەوگراف ريكاردو امارانتەنىڭ ايتۋىنشا، ونىڭ "بولەرو" حيكاياسى ايەل سۇلۋلىعى مەن نازىكتىك يدەالدارىن دارىپتەيدى.
- «ماعان بولەرونى قويۋ تۋرالى ۇسىنىس تۇسكەندە، مەن ءبىر ۋاقىتتا شابىتتانۋمەن بىرگە قورقىپ تا كەتتىم. ويتكەنى الەمدىك حورەوگرافيا بۇل بالەتتىڭ قويىلىمدارىنىڭ كوپتەگەن مىسالدارىن بىلەدى. "بولەرونى" دۇنيەگە اكەلگەن ايەل يدا رۋبينشتەيننىڭ ايگىلى پورترەتى مەنى شابىتتاندىردى. مەن سەزىمتال، ەموسيالارعا قانىق بالەت جاساعىم كەلدى. شەكسىز قيالدار ءبىزدى ماحاببات، قىزعانىش پەن قۇمارلىق الەمىنە جەتەلەيدى»، - دەدى ول.
ريكاردو امارانتەنىڭ قويىلىمى – بۇل جان ايقايى، قۇمارلىقتىڭ ناعىز قايناۋ شاعى جانە ءبيدىڭ ەلىرگەن شاعى. ساحنادا ورىن العان بيشىلەردىڭ قوزعالىسىنان، دەكوراسيالار مەن جارىقتىڭ كورەرمەن كوڭىلىنە اسەر ەتۋىنەن، بارلىق قويىلىمداردان كلاسسيكا مەن مودەرن بايقالادى. ال مۋزىكا، ارينە، ونى كورگەننەن العان اسەرىن كۇشەيتە الادى.