ەۋروپالىق وداقتىڭ رەسمي وكىلى مالىمدەمە جاسادى

بولاشاقتا قازاقستان ءۇشىن ەقىۇ دياقب ۇسىنىمدارىن تولىق ورىنداۋ اسا ماڭىزدى

ەۋروپالىق وداق 5 ماۋسىم جەكسەنبى كۇنى قازاقستاندا وتكەن كونستيتۋسيالىق رەفەرەندۋمنىڭ ناتيجەلەرىن نازارعا الادى. بۇل رەفەرەندۋمدا قازاقستان حالقى ەلدەگى دەموكراتيانى نىعايتۋعا باعىتتالعان ماڭىزدى كونستيتۋسيالىق تۇزەتۋلەردى قولدادى، دەپ حابارلايدى Almaty-akshamy.kz Baq.kz-كە سىلتەمە جاساپ.

ەeas.europa.eu. سايتىنىڭ مالىمەتىنشە، ەو قاڭتارداعى قايعىلى وقيعالاردان كەيىن باستالعان الەۋمەتتىك-ەكونوميكالىق رەفورمالارمەن قوسا، 16 ناۋرىزدا پرەزيدەنت توقايەۆ باستاعان ساياسي رەفورمالاردى قۇپتايدى. ءبىز سونداي-اق حالىقپەن تىكەلەي كونسۋلتاسيالار وتكىزۋ جانە رەفەرەندۋم بارىسىن قاداعالاۋ ءۇشىن ەقىۇ دياقب-نى شاقىرۋ جونىندەگى شەشىمدى قۇپتايمىز. بولاشاقتا قازاقستان ءۇشىن ەقىۇ دياقب ۇسىنىمدارىن تولىق ورىنداۋ اسا ماڭىزدى.

«قازاقستان ەۋروپالىق وداق ءۇشىن ماڭىزدى ءارى قۇندى ارىپتەس بولىپ قالا بەرەدى. ءبىز بەيبىت جينالىستاردىڭ، پىكىر ءبىلدىرۋ مەن قاۋىمداستىقتىڭ نەگىزگى ەركىندىكتەرىن قوسا العاندا، كەڭەيتىلگەن ارىپتەستىك پەن ىنتىماقتاستىق تۋرالى كەلىسىمىمىزدىڭ مىندەتتەمەلەرىن ورىنداۋ، سونداي-اق بايلانىستارىمىزدى، ساۋدا جانە ىنتىماقتاستىعىمىزدى دامىتۋ ءۇشىن بىرلەسە جۇمىس ىستەيمىز»، - دەلىنگەن رەسمي جازبادا.