جاڭا پلاتفورما ترانسكاسپيي كولىك مارشرۋتىن ەۋروپانى ازيامەن 15 كۇن نەمەسە ودان از ۋاقىت ىشىندە بايلانىستىراتىن مۋلتيمودالدى جانە باسەكەگە قابىلەتتى باعىتقا اينالدىرۋ ماقساتىندا جۇمىس ىستەيدى
ءىس-شارا ورتالىق ازيا ەلدەرىنىڭ جانە ءدالىز بويىندا ورنالاسقان باسقا ەلدەردىڭ، سونداي-اق حالىقارالىق قارجى ينستيتۋتتارى مەن ەۋرووداق قۇرامىنا كىرمەيتىن G7 ەلدەرىنىڭ وكىلدەرىنىڭ قاتىسۋىمەن ءوتتى، دەپ حابارلايدى Almaty-akshamy.kz.
كولىك مينيسترلىگىنىڭ باسشىسى مارات قارابايەۆتىڭ ايتۋىنشا، كولىك ينفراقۇرىلىمىن دامىتۋ جانە كولىك بايلانىستارىن كۇشەيتۋ وڭىرلەردىڭ ەكونوميكالىق ءوسۋى مەن وركەندەۋى بارىسىندا ماڭىزدى ءرول اتقارادى.
«ۇيلەستىرۋ پلاتفورماسىنىڭ قۇرىلۋى بىزگە ورتاق ماقساتتارعا جەتۋ ءۇشىن كۇشىمىزدى بىرىكتىرۋگە، تاجىريبە مەن پىكىر الماسۋعا بىرەگەي مۇمكىندىك بەرەدى. بۇل جۇمىسقا ازەربايجان، ارمەنيا، گرۋزيا، سونداي-اق تۇركيادان كەلگەن ارىپتەستەرىمىز شاقىرىلعانىن اتاپ وتكىم كەلەدى. بۇل ءوز كەزەگىندە ترانسكاسپيي حالىقارالىق كولىك باعىتىن دامىتۋ بويىنشا ءىرى جانە تۇراقتى ماقساتتاردى ىسكە اسىرۋ اياسىندا ماڭىزدى ءرول اتقارادى»، – دەپ اتاپ ءوتتى ۆەدومستۆو باسشىسى.
كولىك سالاسىنا جاۋاپتى مينيستر قاتىسۋشى ەلدەر مەن ۇيىمداردىڭ وكىلدەرىنە بىرەگەي الاڭ قۇرۋعا قاتىسىپ، قىزىعۋشىلىق تانىتقاندارى ءۇشىن ءارى ەۋروپالىق وداققا كورسەتىلگەن قولداۋ مەن ورتالىق ازيا ەلدەرىن دامىتۋعا باعىتتالعان جۇمىسى ءۇشىن العىس ءبىلدىردى.
ءسوز كەزەگىندە حالىقارالىق سەرىكتەستىك جونىندەگى باس ديرەكتوراتتىڭ ءبىرىنشى دارەجەلى كەڭەسشىسى حەنريك حولولەي:
«ترانسكاسپيي حالىقارالىق كولىك مارشرۋتى ءۇشىن قۇرىلعان ۇيلەستىرۋ پلاتفورماسى ورتالىق ازيا مەن ەۋروپانىڭ اراسىن جاقىنداتۋعا باعىتتالعان ىنتىماقتاستىعىمىز بارىسىندا العا جاسالعان ەلەۋلى قادام. تۇراقتى كولىك بايلانىسى ايماقتىڭ ەكونوميكالىق ءوسۋىن جانە ونىڭ ەۋروپامەن بايلانىسىن نىعايتۋ ءۇشىن وتە ماڭىزدى. ءبىز سەرىكتەستەرىمىزگە دامۋ جانە قورشاعان ورتانى قورعاۋ ماقساتتارىنا قول جەتكىزۋدە قولداۋ كورسەتۋگە نيەتتىمىز»، – دەدى.
ەۋروپالىق ۇتقىرلىق جانە كولىك كوميسسياسى باس ديرەكتورىنىڭ ورىنباسارى ماييا باكران: «ۇيلەستىرۋ پلاتفورماسى ترانسكاسپيي حالىقارالىق كولىك باعىتىن ەۋروپانى، كاۆكازدى جانە ورتالىق ازيانى بايلانىستىراتىن مۋلتيمودالدى جانە زاماناۋي باعىتقا اينالدىرۋعا ىقپال ەتەدى. ءارتۇرلى مۇددەلى تاراپتاردىڭ ۇيلەستىرۋ ارەكەتتەرى ايماقتىڭ تۇراقتى ەكونوميكالىق دامۋىنا ۇلەس قوسادى»، دەپ ءوز ويىن ورتاعا سالدى.
تۇتاستاي العاندا، پلاتفورما اتالعان ءدالىزدىڭ جۇمىسىن ىلگەرىلەتۋگە جانە ورتالىق ازياداعى ينفراقۇرىلىم سالاسىنداعى باسىم جوبالاردى ىسكە اسىرۋ جونىندەگى كۇش-جىگەردى ۇيلەستىرۋگە ىقپال ەتەتىن بولادى. ول سونداي-اق تەمىرجول، جول جانە پورت ينفراقۇرىلىمىنا ينۆەستيسيالاردى ىنتالاندىرادى جانە ۇيلەستىرەدى.
ايتا كەتەرلىگى، ەۋرووداق ۇزاق ۋاقىت بويى ءوڭىردىڭ سەنىمدى سەرىكتەسى بولىپ تابىلادى، سايكەسىنشە ينفراقۇرىلىمدى جاقسارتۋعا جانە ەكونوميكالىق بايلانىستاردى نىعايتۋعا، تۇراقتى دامۋدى ىلگەرىلەتۋگە ىقپال ەتەدى. جاڭادان قۇرىلعان پلاتفورما شەڭبەرىندە بىرلەسكەن جۇمىس تەك كولىك ينفراقۇرىلىمىن جاقسارتۋعا عانا ەمەس، سونىمەن قاتار ەكونوميكالىق بايلانىستاردى ايتارلىقتاي نىعايتۋعا، كولىك دالىزدەرىنىڭ قاۋىپسىزدىگى مەن تۇراقتىلىعىن ارتتىرۋعا، سونداي-اق كولىك سەكتورىندا يننوۆاسيالار مەن وزىق تەحنولوگيالاردى ەنگىزۋدى جەدەلدەتۋگە مۇمكىندىك بەرەدى دەپ كۇتىلۋدە.