افينى - ەۋروپاداعى ەڭ ارزان دەمالىس قالاسى.
تۋريستەر ءجيى باراتىن قالالارداعى باعانى Korrespondent.net ساراپشىلارى زەرتتەپ، دەمالۋ ءۇشىن ەڭ ارزان ورىندى اتادى، دەپ حابارلايدى Almaty-akshamy.kz Elorda.info-عا سىلتەمە جاساپ.
افينىداعى باعالار 2021 جىلمەن سالىستىرعاندا 15 پايىزعا تومەندەگەن. مۇنى Post Office Travel Money جۇرگىزگەن تالداۋ كورسەتتى.
ەرلى-زايىپتىلار ءۇشىن ەكى تۇنگە قوناقۇيدە تۇرۋ، تاماقتانۋ، اتتراكسيونداردىڭ بيلەتتەرى جانە جەرگىلىكتى كولىكتە جول ءجۇرۋ اقىسىن قوسا العاندا، شىعىندار 207 فۋنت ستەرلينگتى (112 469 تەڭگە) قۇرادى.
ليسسابون تىزىمدە ەكىنشى ورىندا. وندا مۇنداي شىعىندار 218 فۋنت ستەرلينگ (118 445 تەڭگە) بولدى.
ءبىر قىزىعى، مۇنداي رەيتينگتەردە پولشانىڭ كراكوۆ، لاتۆيانىڭ ريگا جانە ۆەنگريانىڭ بۋداپەشت قالالارى كوشباسشى بولدى. ءبىراق بۇل جولى افينى مەن ليسسابوننىڭ ارزانىراق ەكەنى انىقتالدى.
"افينى مەن ليسسابون ەكى ەسە ارزان جانە كۇزدىڭ شۋاقتى كليماتىن، سونداي-اق تومەن باعانى ۇسىنادى. ءبىز دەمالۋشىلارعا برونداۋ الدىندا باعانى تەكسەرىپ الۋعا كەڭەس بەرەمىز"، - دەپ اتاپ ءوتتى ساراپشىلار.