ەۋروپا ەلدەرى فرانسيانىڭ وڭتۇستىك-باتىسىنداعى جيروندا دەپارتامەنتىندەگى ءورتتى ءسوندىرۋ ءۇشىن قوسىمشا كۇش جىبەرىپ جاتىر. بۇل تۋرالى Almaty-akshamy.kz 24.kz-كە سىلتەمە جاساپ حابارلايدى.
وسى اپتاداعى اپتاپ ىستىقتا ءورت كۇشەيىپ، 7،5 مىڭ گەكتار ورماندى شارپىدى. توتەنشە جاعداي قىزمەتىنىڭ ماماندارى ەڭ بولماسا ءورتتىڭ جايىلۋىن تەجەسەك دەپ وتىر. 1000-نان استام ءورت ءسوندىرۋشى ءتىلسىز جاۋدى وقشاۋلاۋ ءۇشىن توقتاۋسىز جۇمىس ىستەپ جاتىر. ولارعا پولشا، اۆستريا، رۋمىنيا، ۆەنگريا جانە گەرمانيادان تاعى 350 مامان جىبەرىلدى. تج ماماندارىمەن قوسا، ەو ەلدەرى وقيعا ورنىنا ارنايى تەحنيكالاردى دا جولداعان.
ونىڭ ىشىندە ءورت سوندىرەتىن ۇشاقتار دا بار. فرانسيالىق ءورت سوندىرۋشىلەر وزگە ەلدەردىڭ ماماندارى كومەككە كەلمەسە، جاعداي قيىن بولعالى تۇرعانىن جەتكىزدى. سەبەبى ولار ورتپەن كۇرەسىپ جاتقان باسقا اۋماقتاعى ءورت سوندىرۋشىلەردى تارپاق بولعان كورىنەدى. جيروندادا وسى جازدا وسىمەن ءۇشىنشى رەت ءىرى ورمان ءورتى بولىپ جاتىر. ءتىپتى ەلدىڭ ءىىم-ى بۇل ءورتتى بىرەۋلەر قولدان ۇيىمداستىرىپ وتىر ما دەگەن دە كۇدىگى بارىن ايتقان. وسى اپتانىڭ ىشىندە ءقاۋىپتى اۋدانداردان 10 مىڭ ادام ەۆاكۋاسيالاندى.