ەۋرووداق يرانمەن يادرولىق كەلىسىم بويىنشا كەلىسسوزدەرى قايتا باستاماق، دەپ حابارلايدى Almaty-akshamy.kz Inform.kz-كە سىلتەمە جاساپ.
بۇل تۋرالى ەۋرووداقتىڭ سىرتقى ىستەر جانە قاۋىپسىزدىك جونىندەگى جوعارى وكىلى جوزەپ بوررەل ءمالىم ەتتى. ول ءبىر كۇن بۇرىن تەگەرانعا كەلىپ، يران ءسىم باسشىسى حوسەين امير ابدوللاحيانمەن كەلىسسوزدەر جۇرگىزدى. ەكى تاراپ كەلىسسوز ۇستەلىنە قايتا ورالۋعا دايىن ەكەندىكتەرىن راستادى. الدىڭعى راۋند بيىلعى كوكتەمدە توقتاپ قالدى. تەگەران ءقازىردىڭ وزىندە 2015 جىلعى شەكتەۋلەرگە قايتا ورالۋعا دايىن ەكەنىن ايتادى. ازىرگە، باتىستىڭ پىكىرىنشە، يران تەك بايىتىلعان ۋران ءوندىرىسىن ارتتىرۋدا. ماگاتە باسشىسى رافاەل گروسسي يسلام رەسپۋبليكاسى يادرولىق زارياد جاساۋعا جەتكىلىكتى قور جيناعانىن جەتكىزدى.
ماۋسىم ايىنىڭ باسىندا تەگەران يراندى ىنتىماقتاستىققا قۇلىقسىزدىق جاسادى دەپ ايىپتاعان قارارعا جاۋاپ رەتىندە اتوم نىساندارىندا ورنالاسقان ماگاتە-نىڭ باقىلاۋ كامەرالارىن ءوشىردى.