مەملەكەت باسشىسى Euronews ديرەكتورلار كەڭەسىنىڭ ءتوراعاسى پەدرو ۆارگاس ءداۆيدتى قابىلدادى، دەپ حابارلايدى aqshamnews.kz
كەزدەسۋدە قازاقستان مەن Euronews تەلەارناسى اراسىنداعى ىنتىماقتاستىق ماسەلەلەرى قاراستىرىلدى.
قاسىم-جومارت توقايەۆ Euronews ارناسىنىڭ ەلىمىزدە ايماقتىق حابىنىڭ اشىلۋىن ماڭىزدى وقيعا رەتىندە اتاپ ءوتتى. پرەزيدەنتتىڭ پىكىرىنشە، بۇل باستاما ارقىلى الەمنىڭ تۇكپىر-تۇكپىرىندەگى كورەرمەندەر قازاقستاننىڭ عانا ەمەس، بۇكىل ورتالىق ازيانىڭ ەكونوميكالىق، مادەني جانە تۋريستىك الەۋەتىمەن جاقىن تانىسۋعا مۇمكىندىك الادى. سونىمەن قاتار، بۇل مەديا الاڭ ايماق ەلدەرى مەن ەۋروپا وداعى اراسىنداعى ديالوگ پەن ءوزارا تۇسىنىستىكتى نىعايتۋعا ىقپال ەتەدى.
پەدرو ۆارگاس داۆيد كەزدەسۋ بارىسىندا Euronews Academy جوباسىنىڭ جوسپارىن تانىستىردى. بۇل باستاما قازاقستاندىق جۋرناليستەردى زاماناۋي تەحنولوگيالارمەن جۇمىس ىستەۋگە ۇيرەتىپ، حالىقارالىق كاسىبي ستاندارتتاردى يگەرۋىنە باعىتتالعان. وسى ارقىلى وتاندىق مەديانىڭ باسەكەگە قابىلەتتىلىگىن ارتتىرۋعا جاعداي جاسالادى.
مەملەكەت باسشىسى قازاقستاننىڭ اقپاراتتىق ورتادا ءتيىمدى جۇمىس ىستەي الاتىن بىلىكتى مامانداردى دايارلاۋعا مۇددەلى ەكەنىن اتاپ ءوتتى. ءوز كەزەگىندە پەدرو ۆارگاس داۆيد قازاقستان پرەزيدەنتى قاسىم-جومارت توقايەۆتىڭ باسشىلىعىمەن ەلىمىزدە جۇزەگە اسىرىلىپ جاتقان رەفورمالاردىڭ تۇراقتى دامۋ مەن قوعامنىڭ اشىقتىعىن ارتتىرۋداعى ماڭىزدىلىعىن جوعارى باعالادى.
كەزدەسۋ بارىسىندا سونداي-اق الەمدەگى گەوساياسي جاعدايعا قاتىستى وزەكتى ماسەلەلەر تالقىلاندى.