قازاقستان مەن ەو اراسىنداعى قارىم-قاتىناسقا - 30 جىل
بيىل قازاقستانعا ەۋروپالىق كوميسسيانىڭ ءتوراعاسى ۋرسۋلا فون دەر ليايەن جۇمىس ساپارىمەن كەلەدى. مۇنى ورتالىق كوممۋنيكاسيالار قىزمەتىندەگى بريفينگىدە سىرتقى ىستەر ءمينيسترىنىڭ ورىنباسارى رومان ۆاسيلەنكو ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بىلتىر قاراشادا ەۋروپالىق وداقتىڭ (ەو) باستاماسىمەن پرەمەر-مينيستر ءاليحان سمايىلوۆ پەن ەۋروپالىق كوميسسيانىڭ جەتەكشىسى ۋرسۋلا فون دەر ليايەن شيكىزات ماتەريالدارىن جەتكىزۋدى ءارتاراپتاندىرۋ بويىنشا مەموراندۋمعا قول قويدى. بۇل قارجىلىق جانە تەحنولوگيالىق سالادا ەو-نىڭ ونەركاسىپتىك اليانسىمەن ىنتىماقتاستىق ورناتۋعا ىقپال ەتەدى»، - دەدى رومان ۆاسيلەنكو.
مۇنىمەن قوسا سپيكەر بيىل ەلىمىزگە ەۋروكوميسسيا ءتوراعاسى ۋرسۋلا فون دەر ليايەن كەلەتىنىن ءمالىم ەتتى.
«بيىل ءبىز ەۋروپالىق كوميسسيا باسشىسى ۋرسۋلا فون دەر ليايەن قازاقستانعا جۇمىس ساپارىمەن كەلەدى دەپ جوسپارلاپ وتىرمىز. بۇل ساپاردىڭ قازاقستان مەن ەو اراسىنداعى قارىم-قاتىناسقا 30 جىل تولۋىنا تۇسپا-تۇس كەلۋىنىڭ سيمۆولدىق ءمانى بار»، - دەدى سىرتقى ىستەر ءمينيسترىنىڭ ورىنباسارى.