فۋتبولدان 2024 جىلعى ەۋروپا چەمپيوناتىنىڭ سەگىزىنشى ويىن كۇنى، بۇگىن ءۇش ويىن وتەدى.
ەڭ الدىمەن 18:00–دە ە توبىندا سلوۆاكيا مەن ۋكراينا وينايدى، دەپ حابارلايدى اlmaty-akshamy.kz.
كەزدەسۋ ديۋسسەلدورف قالاسىنداعى «مەركۋر شپيل-ارەنا» ستاديونىندا بولادى.
ەكى قۇراما بۇعان دەيىن سەگىز مارتە كەزدەستى. ۋكراينا ءۇش، سلوۆاكيا ەكى مارتە جەڭىسكە جەتسە، قالعانى تەڭ ناتيجەمەن اياقتالعان.
بۇل توپتاعى رۋمىنيا مەن بەلگيا كەزدەسۋى 22 ماۋسىمدا وتكىزىلەدى.
سونداي-اق D توبىنداعى پولشا مەن اۆستريا كەزدەسۋى 22.00-گە بەلگىلەنگەن.
قازىرگە دەيىن قۇرامالار ون ءبىر ويىندا كەزدەسىپ، بەسەۋىندە پولشا، تورتەۋىندە اۆستريا باسىم تۇسسە، قالعانىندا تەڭ ناتيجە تىركەلىپتى.
كەزدەسۋ بەرلين قالاسىنداعى «وليمپياشتاديون» ستاديونىندا بولادى.
اتالعان توپتاعى نيدەرلاند جانە فرانسيا كەزدەسۋى 00.00-گە بەلگىلەنگەن.
قۇرامالار قازىرگە دەيىن وتىز ەكى مارتە كەزدەسىپ، ون ءبىرى نيدەرلاند، ون جەتىسى فرانسيانىڭ باسىمدىعىمەن اياقتالسا، قالعان ءتورت ويىندا تەڭ ناتيجە كورسەتىپتى.
ويىن لەيپسيگ قالاسىنداعى «رەد بۋلل-ارەنا — سەنترالشتاديون» ستاديونىندا وتەدى.
العاشقى تۋردا فرانسيا اۆستريانى 1:0، نيدەرلاند پولشانى 2:1 ەسەبىمەن تىزە بۇكتىردى.
كوش باسىندا ءۇش ۇپايمەن فرانسيا مەن نيدەرلاند كەلەدى. ال پولشا مەن اۆستريانىڭ ەنشىسىندە ۇپاي جوق.
ويىنداردىڭ ءبارى Qazsport تەلەارناسىنان تىكەلەي ەفيردە كورسەتىلەدى.