2023 جىلعى 15 ناۋرىزدا قازاقستان رەسپۋبليكاسى ەۋرازيالىق ەكونوميكالىق وداقتا تاسىمالداۋدى قاداعالاۋ ءۇشىن ناۆيگاسيالىق پلومبالاردى پايدالانۋ تۋرالى كەلىسىمگە قول قويدى.
وسى كەلىسىمنىڭ ماقساتى مۇشە-مەملەكەتتەردىڭ اۋماعىندا تاۋارلاردى تاسىمالداۋدى ۇيىمداستىرۋ كەزىندە زاماناۋي تەحنيكالىق جانە تەحنولوگيالىق شەشىمدەردى قولدانۋ، كەدەندىك جانە مەملەكەتتىك باقىلاۋدىڭ باسقا دا تۇرلەرىنىڭ قولدانىلاتىن شارالارىن قىسقارتۋ، تاۋارلار جولدا بولعان كەزدەگى ءارتۇرلى ءماجبۇرلى جاعدايلارعا دەر كەزىندە جاۋاپ بەرۋ، تاۋارلاردى جەتكىزبەۋ جاعدايلارىن بولدىرماۋ بولىپ تابىلادى، دەپ حابارلايدى اlmaty-akshamy.kz.
ەاەو اۋماعىندا ناۆيگاسيالىق پلومبالاردى پايدالانۋ ءۇشىن ەۋرازيالىق ەكونوميكالىق كوميسسيانىڭ الاڭىندا بەس مەملەكەتتىڭ ەكونوميكا، كولىك، كەدەندىك جانە سالىقتىق رەتتەۋ سالاسىنداعى ساراپشىلارى وسى مەملەكەتتەردىڭ بيزنەس وكىلدەرىنىڭ قاتىسۋىمەن ەۋرازيالىق ەكونوميكالىق وداققا بارلىق مۇشە-مەملەكەتتەردىڭ ۇلتتىق زاڭناماسىنىڭ ەرەكشەلىكتەرىن ەسكەرە وتىرىپ، قۇقىقتىق بازانى ازىرلەۋ، كەلىسۋ جانە قابىلداۋ بويىنشا اۋقىمدى جۇمىستار اتقارىلدى.
ەۋرازيالىق ەكونوميكالىق وداققا مۇشە-مەملەكەتتەردە ۇلتتىق وپەراتورلار انىقتالدى، وندا ءاربىر تاسىمالداۋدى ناقتىلاي قاداعالاۋ جۇزەگە اسىرىلاتىن بولادى.
ناۆيگاسيالىق پلومبانى پايدالانعانى ءۇشىن اقى تولەنەتىن بولادى.
قازاقستان رەسپۋبليكاسىندا ناۆيگاسيالىق پلومبالاردىڭ جانە قاداعالاۋ قىزمەتتەرىنىڭ تاريفتەرىنىڭ جوعارى قۇنىن بولدىرماۋ ماقساتىندا مەملەكەت قاداعالاۋشى وپەراتور رەتىندە «عارىشتىق تەحنيكا جانە تەحنولوگيالار ينستيتۋتى» جاۋاپكەرشىلىگى شەكتەۋلى سەرىكتەستىگىن انىقتادى (اكسيالارىنىڭ 100%-ى ق ر عمرعزي-گە تيەسىلى)، ول ءاربىر تاسىمالداۋدى ناقتىلاي قاداعالاۋ بويىنشا بارلىق ارەكەتتەردى جۇزەگە اسىراتىن بولادى.
ناۆيگاسيالىق پلومبالاردى قولدانۋ كەدەندىك باقىلاۋدان ءوتۋىن جىلدامداتادى، تاۋاردىڭ جولدا بولۋ ۋاقىتىن قىسقارتادى جانە تاۋار يەسىنە تاسىمالداۋدى جۇزەگە اسىرۋ كەزىندە كولىك قۇرالىنىڭ قوزعالىسىن باقىلاۋعا مۇمكىندىكتەر بەرەدى.
قاداعالاۋ مەحانيزمىن قامتيتىن ۇيىمداستىرۋ-تەحنيكالىق شارالار دايىندالعان سوڭ، ناۆيگاسيالىق پلومبالاردى ءىلۋدى باستاۋ جوسپارلانۋدا. ىسكە قوسۋ ۋاقىتى قوسىمشا حابارلاناتىن بولادى.