تاكسي جۇرگىزۋشىلەرى كولىگىنە ارنايى بەلگى قويۋى كەرەك، جۇرگىزۋشى كارتاسى بولۋى شارت.
ەلىمىزدە جىلى ەسكى كولىكتەرگە تاكسي قىزمەتىن اتقارۋعا شەكتەۋ قويىلماق، دەپ حابارلايدى Almaty-akshamy.kz
تاكسي جۇرگىزۋشىلەرى جۇرگەنىنە 15 جىلدان اسقان كولىكتەرمەن جولاۋشى تاسىمالداي الماۋى مۇمكىن. قازاقستان ستاندارتتاۋ جانە مەترولوگيا ينستيتۋتى دايىنداعان جاڭا زاڭ جوباسى ءقازىر قوعامدىق تالقىلاۋدا. الايدا جۇرگىزۋشىلەر جاڭا تالاپقا قارسى.
قازاقستاندا تاكسي قىزمەتىن جۇيەلەۋ ماقساتىندا جاڭا زاڭ جوباسى ازىرلەندى. قۇجاتقا سايكەس ەندى جۇرگىزۋشىلەر شىققانىنا 15 جىلدان اسقان كولىكپەن جولاۋشى تاسىمالداي الماۋى مۇمكىن. ءتىپتى، وسى كاسىپپەن ءناپاقا تاپقىڭىز كەلسە ماشيناڭىزدىڭ ءجۇرىپ وتكەن قاشىقتىعى 500 شاقىرىمنان اسپاۋى ءتيىس. جاڭاشىلدىق مەملەكەتتىك ستاندارت جوباسى اياسىندا جۇزەگە اسىرىلعان.
"زاڭ جوباسىندا تاكسي قىزمەتىن ۇيىمداستىرۋدى ءوزىن-وزى رەتتەۋگە كوشىرۋ كوزدەلەدى. ال بۇل تاكسي تاسىمالداۋشىلارىنىڭ، تاكسيدىڭ اقپاراتتىق-ديسپەچەرلىك قىزمەتتەرىنىڭ جانە تاكسيگە تاپسىرىس بەرۋدىڭ ءموبيلدى قوسىمشالارىنىڭ جۇمىس ءپرينسيپىن وزگەرتۋگە، سونداي-اق تاكسي تاسىمالداۋشىلارىنىڭ ءوزىن-وزى رەتتەيتىن ۇيىمعا مۇشە بولۋىنا الىپ كەلەدى"، دەپ مالىمدەدى قازاقستان ستاندارتتاۋ جانە مەترولوگيا ينستيتۋتىنىڭ باسپا ءسوز قىزمەتى.
وعان قوسا تاكسي كولىگىنىڭ توبەسىنە ارنايى بەلگى قويۋعا مىندەتتى بولادى. جۇرگىزۋشىنىڭ فوتوسى مەن جەكە مالىمەتتەرى جازىلعان كارتاسى سالوندا ءىلىنىپ تۇرۋى قاجەت. ال تاكسي قىزمەتى ارقىلى ءناپاقا تاۋىپ، وتباسىن اسىراپ جۇرگەن ازاماتتار دا، جولاۋشى رەتىندە كولىككە وتىراتىن تۇرعىندار دا جاڭاشىلدىققا قارسى.
زاڭ جوباسى قوعامدىق تالقىلاۋعا شىعارىلدى. بۇل – الەمدىك تاجىريبە. ماسەلەن ەۋروپادا تاكسي جۇرگىزۋشىلەرى ارنايى كيىم ۇلگىسىن كيەدى. ءار ءجۇرىپ وتكەن شاقىرىمىڭىز بەن ۋاقىتىڭىز ەسەپتەلىپ، جولاۋشى سوعان ساي اقى تولەيدى.