بيىلعى ون ايدا قالادا 797 ادام تۇڭعىش مارتە ديناميكالىق باقىلاۋ (ەسەپكە الۋ) تىزىمىنە تىركەلدى.
بۇل 2022 جىلعى كورسەتكىشپەن سالىستىرعاندا 4،8%-عا (2022 ج. - 760 ادام) كوپ، دەپ حابارلايدى Almaty-akshamy.kz
الماتىدا حالىق اراسىندا جۇرگىزىلگەن پروفيلاكتيكالىق تەكسەرۋلەر ناتيجەسىندە ناركولوگيالىق دەرتكە شالدىققاندار بويىنشا جاڭا دەرەكتەر انىقتالعان.
سونىمەن بىرگە بيىل الماتى قالالىق پسيحيكالىق ساۋىقتىرۋ ورتالىعىنىڭ ماماندارى ىىب-دە اكىمشىلىك بۇزۋشىلىق ءۇشىن ۇستالعان ادامدار اراسىندا ناشاقورلىق پەن ماسكۇنەمدىككە شالدىققان ناۋقاستاردى دا انىقتاعان. جىل باسىنان بەرى پسيحولوگتار پوليسيا باسقارماسىندا 48 وقيعا بويىنشا پاسيەنتتەرگە مەديسينالىق، پسيحولوگيالىق كومەك كورسەتتى جانە ورتالىققا ەمدەۋگە جولداما بەرگەن.
بۇل تۋرالى الماتىنىڭ وڭىرلىك كوممۋنيكاسيالار قىزمەتىنىڭ الاڭىندا بريفينگتە الماتى قالالىق پسيحيكالىق ساۋىقتىرۋ ورتالىعىنىڭ ديرەكتورى ساپار راحمەنشەيەۆ حابارلادى.
وكىنىشكە قاراي جاسوسپىرىمدەر اراسىندا ناركولوگيالىق كەسەلدى ەرتەرەك انىقتاۋعا قاتىستى ماسەلە ءالى شەشىلگەن جوق. سەبەبى جاسوسپىرىمدەردىڭ اتا-انالارى مەكتەپتەردە ەسىرتكى/پسيحوبەلسەندى زاتتاردى (پبز) قولدانۋ بويىنشا زەرتتەۋلەر (تەستىلەۋ) جۇرگىزۋگە قارسى. الماتى قالالىق پسيحيكالىق ساۋىقتىرۋ ورتالىعىندا بيىلعى 11 ايداعى كورسەتكىش بويىنشا 4599 ادام ناركولوگيالىق ەسەپتە تۇر. كورسەتكىش 100 مىڭ تۇرعىنعا شاققاندا 212،1 – گە تەڭ، بۇل وتكەن جىلعى دەڭگەيدەن 0،5% - عا تومەن (2022 ج. - 4572 ادام).
ونىڭ ىشىندە كامەلەتكە تولماعانداردىڭ سانى 16 (2022 ج. – 18 ءجاسوسپىرىم).
الكوگوليزمگە تاۋەلدى 3438 ادامنىڭ 2 كامەلەتكە تولماعان . جالپى وتكەن جىلمەن سالىستىرعاندا ستاتيستيكالىق كورسەتكىش بويىنشا ماسكۇنەمدىكپەن تىركەلگەندەر اراسىندا وزگەرىس جوق. (2022 ج. - 34 ادام).
ناشاقورلىقپەن 1161 ادام ديناميكالىق باقىلاۋعا الىنعان. بۇل 2022 جىلعى وسى كەزەڭمەن سالىستىرعاندا 23% - عا ارتىق (2022 ج. - 1138 ادام)، ونىڭ ىشىندە 14 بۇعاناسى قاتپاعان بالالار ،- دەيدى ورتالىق ديرەكتورى ساپار راحمەنشەيەۆ.
بيىل ەسەپتە تۇرعان ەسىرتكىگە تاۋەلدى تۇرعىنداردىڭ سانى ارتىپتى. ورتالىق باسشىسى مۇنىڭ سەبەبىن "قازاقستان رەسپۋبليكاسىندا باقىلاۋعا جاتاتىن ەسىرتكى قۇرالدارىنىڭ، پسيحوتروپتىق زاتتار مەن پرەكۋرسورلاردىڭ ءتىزىمىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2023 جىلعى 20 ناۋرىزداعى №240 قاۋلىسىنا وزگەرىستەر ەنگىزىلە وتىرىپ، 66 - تارماقتا "ترامادول" - وپيويدتى انالگەتيك ("ءدارىحاناعا تاۋەلدىلىكپەن"كۇرەسۋ ماقساتىندا) دەپ ەنگىزىلگەننەن بەرى حالىقتىڭ پسيحيكالىق ساۋىقتىرۋ ورتالىعىنىڭ قىزمەتىنە جۇگىنۋى جيىلەۋىمەن ءتۇسىندىردى.
تاۋەلدىلىكتى ەمدەۋدىڭ العاشقى قادامى- ءوز ەركىندىگىڭىزدىڭ جوقتىعىن ءتۇسىنۋ. ادام ءوزىنىڭ تاۋەلدىلىكتىڭ قۇربانى ەكەنىن، ءوزىن – ءوزى باسقارا المايتىنىن، ال تاۋەلدىلىك ونى باسقاراتىنىن مويىنداۋى كەرەك. تاۋەلدىلىكتى جەڭۋگە دەگەن ۇمتىلىس پايدا بولعاندا عانا دارىگەرگە دە، ادامنىڭ وزىنە دە تاۋەلدىلىكپەن كۇرەسۋگە مۇمكىندىك پايدا بولادى.
ەكىنشى قادام-پسيحياتر (پسيحياتر-ناركولوگ) نەمەسە پسيحوتەراپيەۆت مامانعا جۇگىنۋ كەرەك.
دارىگەر ەمدەۋ تاكتيكاسىن (دارى-دارمەكپەن ۋىتسىزداندىرۋ جانە قالپىنا كەلتىرۋ ەمىمەن ستاسيونارلىق)، سونداي-اق وڭالتۋدى، پسيحوتەراپيەۆتتەرمەن جانە پسيحولوگتارمەن جۇمىستى انىقتايدى.
تاۋەلدىلىكتى ەمدەۋ ارنايى مەديسينالىق دايىندىقتى (ءبىلىم بەرۋدى) قاجەت ەتەدى. مامانداندىرىلعان اۋرۋحاناعا، ياعني پسيحيكالىق دەنساۋلىق ورتالىعىنا حابارلاسۋىڭىز كەرەك.
ەمدەۋ كەزىندە ناۋقاستىڭ دارىگەرگە سەنگەنى وتە ماڭىزدى. ەمدەلۋشى مەن دارىگەر اراسىندا سەنىمدى قارىم-قاتىناس بولماسا تاۋەلدىلىكتى جەڭۋ وتە قيىن بولادى.
لۋدومانيا جانە ودان ەمدەۋ قازىرگى تاڭدا وزەكتى جانە وتكىر ماسەلە.
قۇمار ويىننىڭ تۇتقىنىنا اينالعان ادام كۇيزەلىسكە ۇشىرايدى جانە قالىپتى ءومىر سۇرۋگە قاۋقارسىز، جىگەرسىز بولادى. ەمدەۋ نەعۇرلىم ەرتە باستالسا، تاۋەلدىلىكپەن كۇرەسۋ دە ءتيىمدى بولماق، - دەيدى قالانىڭ باس پسيحياترى ساپار راحمانشەيەۆ.