قازاقستاندا ناشاقورلاردى ەسەپكە الۋ ءۇشىن ءبىرىڭعاي دەرەكقور قۇرىلادى، دەپ حابارلايدى aqshamnews.kz
ەلىمىزدە ەسىرتكى ءوندىرۋ جانە قايتا وڭدەۋمەن اينالىساتىندارعا قاتىستى جاۋاپكەرشىلىك كۇشەيتىلەدى. بۇل زاڭعا ەنگىزىلەتىن جاڭا وزگەرىستەر مەن تولىقتىرۋلاردا ناقتى كورسەتىلگەن. ولار، اسىرەسە، ەسىرتكى زەرتحانالارى مەن كۋرەرلەردىڭ (زاكلادچيكتەر جانە باسقالارى) قىزمەتىنە تىكەلەي قاتىستى بولماق.
ىشكى ىستەر مينيسترلىگىنىڭ مالىمەتىنشە، ەسىرتكى قىلمىستارىنا قىسىممەن تارتىلعان جاستار ءۇشىن جازانى جەڭىلدەتۋ جوسپارلانۋدا. الايدا، ەسىرتكى بيزنەسىن ۇيىمداستىرۋشىلار ءۇشىن جازا قاتاڭداتىلماق. بۇل شارالار ەلدەگى ەسىرتكى اينالىمىن باقىلاۋدى كۇشەيتىپ، ناشاقورلىقتىڭ الدىن الۋعا باعىتتالعان.
سونداي-اق، ناشاقورلىقپەن كۇرەستىڭ تيىمدىلىگىن ارتتىرۋ ماقساتىندا قازاقستاندا ناشاقورلاردى ەسەپكە الۋعا ارنالعان ءبىرىڭعاي دەرەكقور قۇرىلاتىن بولادى. بۇل دەرەكقور قۇقىق قورعاۋ ورگاندارىنا وسى ماسەلەنى جۇيەلى تۇردە قاداعالاۋعا جانە جاعدايدى باقىلاۋدا ۇستاۋعا مۇمكىندىك بەرەدى.