قاراعاندىدا ەسىرتكى تاراتقان شەتەلدىكتەر ۇستالدى.
قاراعاندى قالاسىندا "قاراسورا – 2025" رەسپۋبليكالىق جەدەل الدىن الۋ ءىس-شاراسى اياسىندا ەسىرتكى قىلمىسىنا قارسى ءىس-قيمىل توبىنىڭ قىزمەتكەرلەرى ءىرى وپەراسيا وتكىزدى، - دەپ حابارلايدى Aqshamnews.kz.
ناتيجەسىندە ەسىرتكى تاراتقان ەكى شەتەل ازاماتى ۇستالدى. وپەراسيا كەزىندە 29 جانە 39 جاستاعى ەر ادامدار قالا كوشەلەرىنىڭ بىرىندە قولعا ءتۇستى. ءتىنتۋ بارىسىندا ۇلكەنىنەن ءارقايسىسى شامامەن 0،5 گرامم بولاتىن قۇرامىندا A-PVP بولۋى مۇمكىن 11 تۇيىنشەك، سونداي-اق قوسىمشا 0،5 جانە 1 گرامدىق 11 تۇيىنشەك تابىلىپ، تاركىلەندى. ال ەكىنشى كۇدىكتىدەن تەلەفون تەكسەرۋ كەزىندە كۋراتورمەن جازىسقان حاتتار مەن ەسىرتكى جاسىرىلعان ورىنداردىڭ فوتوسۋرەتتەرى انىقتالدى.
كورسەتىلگەن مەكەنجايلارعا تەكسەرۋ جۇرگىزۋ ناتيجەسىندە قۇرامىندا ۇقساس زات بار 16 تۇيىنشەك تابىلدى. كۇدىكتىلەردىڭ تۇرعىلىقتى جەرىنەن جۇرگىزىلگەن ءتىنتۋ بارىسىندا الدىن الا مەفەدرون دەپ انىقتالعان، سالماعى 0،5 گرامم ءبىر تۇيىنشەك تاركىلەندى. ۇستالعان ازاماتتارعا قاتىستى قىلمىستىق ءىس قوزعالدى. تەرگەۋ بارىسىندا ولار جاساعان ىس-ارەكەتتەرىن مويىندادى. بارلىق تاركىلەنگەن زات ساراپتاماعا جىبەرىلىپ، ولاردىڭ ناقتى قۇرامى مەن سالماعى انىقتالاتىن بولادى. قازىرگى تاڭدا كۇدىكتىلەر ۋاقىتشا ۇستاۋ يزولياتورىنا قامالدى.