قىلمىستىق ءىس ءۇش باپ بويىنشا تەرگەلىپ جاتىر
الماتى وبلىسىنىڭ ەسىك قالاسىنداعى اتىسقا قاتىسى بار تاعى 2 كۇدىكتى ۇستالدى دەپ حابارلادى Almaty-akshamy.kz.
«بارلىعى ءۇش كۇدىكتى ۇستالعان. ولار 1999 جانە 1992 جىلى تۋعان ازاماتتار. ۇشەۋى دە قاماۋعا الىندى»، – دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ مالىمەتىندە.
قىلمىستىق ءىس ءۇش باپ بويىنشا (ادام ءولتىرۋ، ادام ولتىرۋگە وقتالۋ جانە قارۋدى قولدانۋ ارقىلى بۇزاقىلىق جاساۋ) تەرگەلىپ جاتىر.
ەسكە سالايىق، شىلدەنىڭ 22-ىنەن 23-ىنە قاراعان ءتۇنى ەڭبەكشىقازاق اۋداننىڭ ەسىك قالاسىندا اتىس بولىپ، ەكى ادام اۋرۋحاناعا ءتۇستى. كەيىن ونىڭ ءبىرى كوز جۇمدى.
25 شىلدە كۇنى قىلمىسقا قاتىسى بار دەگەن كۇدىكپەن 35 جاستاعى ەر ادام ۇستالعان بولاتىن.