اعىمداعى جىلدىڭ ءساۋىر ايىندا اباي داڭعىلىنان ساتبايەۆ كوشەسىنە دەيىنگى ۋچاسكەدە ەسەنتاي وزەنىنىڭ ارناسىن مەحانيكالىق تازارتۋ جۇمىستارى باستالدى. بيىل اتالعان ۋچاسكە "قازسەلدەنقورعاۋ" مم ەكولوگيا جانە قورشاعان ورتانى قورعاۋ باسقارماسىنىڭ قاراۋىنا بەرىلدى، دەپ حابارلايدى almaty-akshamy.kz
سوڭعى رەت وزەن ارناسىن كەشەندى تازارتۋ جانە جاعالاۋدى جوندەۋ جۇمىستارى 10 جىلدان استام ۋاقىت بۇرىن جۇرگىزىلگەن. سونىڭ سالدارىنان توسەلگەن قيما تاس ابدەن ەسكىرگەن. بۇرىنعى جىلدارى وزەن ارناسىن تازارتۋ جۇمىستارى سۋدىڭ ءوتۋىن قامتاماسىز ەتۋ ءۇشىن كەزەڭمەن جۇرگىزىلدى. وزەن ارناسىن زەرتتەۋ كەزىندە بيىكتىگى 1،5 م-گە دەيىن لاي مەن قوقىستىڭ ەداۋىر جينالعانى بايقالدى. ارنانى بۇلاردان تازارتۋ ءۇشىن اۋىر ارنايى تەحنيكانى تارتۋ قاجەت بولدى.
بۇل ۋچاسكەدە وزەن ارناسىنا مامانداندىرىلعان تەحنيكانىڭ ءجۇرۋى تەحنولوگيالىق جاعىنان قاراستىرىلماعان: كىرمە جولدار جوق نەمەسە اپاتتى جاعدايدا بولعان. بۇگىندە جۇمىستارعا 2 شاعىن جۇك تيەگىش، ەكسكاۆاتور جانە اۋىر تەحنيكا جۇمىلدىرىلعان. ەسەپتىك دەرەكتەرگە سايكەس اباي داڭعىلىنان ساتبايەۆ كوشەسىنە دەيىنگى ۋچاسكەدەگى تۇنبا مەن قۇمنىڭ كولەمى شامامەن 3،5 مىڭ تەكشە مەتردى قۇرايدى.
ايتا كەتەرلىگى، كىرمە جولداردا اۋىر تەحنيكانىڭ سالدارىنان بولعان زالال مەردىگەر ۇيىمنىڭ كۇشى قايتا قالپىنا كەلتىرىلەدى. تروتۋاردى قالپىنا كەلتىرۋ جۇمىستارى جۇرگىزىلۋدە.
بۇدان باسقا، ەكولوگيا جانە قورشاعان ورتانى قورعاۋ باسقارماسى ەسەنتاي وزەنىنىڭ ءال-فارابي داڭعىلىنان رىسقۇلوۆقا دەيىنگى ارناسىن كۇردەلى جوندەۋدىڭ جوباسىن ازىرلەۋدە. جوبادا ءتۇرلى ءىس-شارالاردا ارناۋلى تەحنيكانى پايدالانۋدىڭ تەحنولوگيالىق سىزبالارى قاراستىرىلاتىن بولادى. جوبا اياسىندا قالا تۇرعىندارىنا ىڭعايلى بولۋ ءۇشىن وزەن جاعالاۋىن اباتتاندىرۋ جۇمىستارى جۇرگىزىلىپ، سەرۋەندەۋ ايماعى ۇيىمداستىرىلادى.
