ەرزيننىڭ سىرى نەدە؟

جويقىن ءزىلزالا بولعان تۇركيانىڭ حاتاي پروۆينسياسىنداعى ەرزين قالاسىندا ءبىر دە ءبىر عيمارات قۇلاماعان

جويقىن ءزىلزالا بولعان حاتاي پروۆينسياسىنداعى ەرزين قالاسىندا ءبىر دە ءبىر عيمارات قيراعان جوق، دەپ حابارلايدى اlmaty-akshamy.kz @yyedilov تەلەگرام كانالىنا سىلتەمە جاساپ.

تۇركيانىڭ حاتاي پروۆينسياسىندا جەر سىلكىنىسى وراسان زور شىعىندار اكەلدى. دەگەنمەن وڭىردە جالعىز ەرزين قالاسى عانا تابيعي اپاتقا توتەپ بەردى. اۋداندا ءبىر دە ءبىر عيمارات قۇلاماعان. سەبەبى، ەرزين قالاسىنىڭ مەرى وككەش ەلماسوعلى عيماراتتى زاڭسىز سالۋعا، ەرەجە بۇزۋعا جول بەرمەگەن، قۇرىلىس سالۋشىلارعا قاتاڭ تالاپتار قويا بىلگەن. وسى مىنەزىنەن اكىم تالاي تاياق تا جەدى، قۇرىلىس الپاۋىتتارى ونىڭ كوزىن قۇرتقىسى دا كەلدى. تالاي قيىندىقتى باستان وتكەرگەن وككەش ەلماسوعلى ءقازىر تۇركيادا حالىق باتىرى اتاندى.

«42 مىڭ تۇرعىنى بار ەرزين اۋدانىندا زارداپ شەككەندەر جوق، ويتكەنى عيماراتتار قيراعان جوق.  مەن ەشبىر قۇرىلىستىڭ زاڭسىز سالىنۋىنا جول بەرمەدىم. وسى ءۇشىن مەنى تالاي رەت قۋدالادى، سىنادى، قورقىتتى. ولار ماعان «ەلدەگى جالعىز ادال ادام سەن بولماي اق قويشى»، - دەدى. ەسەسىنە ءقازىر مەنى ار-ۇجدانىم مازالامايدى، ەل الدىندا ارىم تازا»، - دەدى اكىم. وسىلايشا جەمقورلىققا جول بەرمەي، مىڭمەن جالعىز الىسۋعا بولادى. وككەش ەلماسوعلى – حالقىنىڭ قامىن جەگەن ادال ازامات، ناعىز باتىر»، - دەپ جازادى @yyedilov تەلەگرام كانالى.