ءتىزىمدى تەلەگرام بوت، ۆەب پورتال، حابارلاسۋ ورتالىعى ارقىلى بىلۋگە بولادى.
4 ناۋرىزدان باستاپ پارلامەنت جانە ءماسليحات دەپۋتاتتارىنا داۋىس بەرەم دەگەن قازاقستاندىقتار ءوزىنىڭ سايلاۋشىلار تىزىمىندە بار-جوعىن تەكسەرە الاتىنى بۇعان دەيىن دە ايتىلعان، دەپ حابارلايدى Almaty-akshamy.kz
مامانداردىڭ ايتۋىنشا، مەملەكەتتىك بازا نەگىزىندە قۇرىلعان ءتىزىم دايىن بولادى. تەك ازاماتتارعا قانداي دا ءبىر قاتەلەر بولماۋى ءۇشىن ساياسي ناۋقانعا 15 كۇن قالعاندا ءوزىن تىزىمنەن تەكسەرۋ مۇمكىندىگى بەرىلەدى.
ءتۇرلى سەبەپپەن تىركەلگەن جەرى بويىنشا داۋىس بەرە المايتىن ازاماتتار 18 ناۋرىزعا دەيىن تۇرعىلىقتى جەرىنەن ەسەپتەن شىعۋ كۋالىگىن الۋى كەرەك.
ق ر ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆتىڭ مالىمەتىنشە، ازاماتتاردى بەلگىلى ءبىر سايلاۋ ۋچاسكەسىندەگى سايلاۋشىلار تىزىمىنە ەنگىزۋدى SMS-حابارلاما ارقىلى ۇيىمداستىرۋ ءۇشىن سيفرلىق قورعالعان نىساندا سايلاۋشىلار دەرەكتەرىنىڭ بارلىق ءماسسيۆىن سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنە جىبەرىلەدى.