ەرتەڭ ەلىمىزدە اۋا رايى قانداي بولادى؟

ءبىرقاتار وڭىردە اپتاپ ىستىق پەن ءورت ءقاۋپى بار.

سينوپتيكتەر قازاقستانداعى 2023 جىلعى 7 ماۋسىمعا ارنالعان اۋا رايى بولجامىن ۇسىندى – ەل اۋماعىندا قاتتى جاڭبىر جاۋىپ، نايزاعاي وينايدى، بۇرشاق جاۋادى، شاڭدى داۋىل تۇرادى دەپ بولجاندى، دەپ حابارلايدى Almaty-akshamy.kz.

"قازگيدرومەت" رمك ۇسىنعان مالىمەت بويىنشا، ەلىمىزدىڭ باسىم بولىگىندە تۇراقسىز اۋا رايى بولجاندى، سوعان بايلانىستى نايزاعايمەن وتكىنشى جاڭبىر، ەلىمىزدىڭ سولتۇستىك-باتىسىندا قاتتى جاڭبىر جاۋادى.

"تەك رەسپۋبليكامىزدىڭ باتىسىندا، وڭتۇستىگىندە، شىعىسىندا جاۋىن-شاشىنسىز اۋا رايى ساقتالادى. رەسپۋبليكا بويىنشا جەلدىڭ كۇشەيەدى، وڭتۇستىك-باتىستا، سولتۇستىك-باتىستا بۇرشاق، باتىستا شاڭدى داۋىل بولجاندى"، – دەلىنگەن حابارلامادا.

پاۆلودار، اباي، شىعىس-قازاقستان وبلىستارىنىڭ سولتۇستىك-باتىسىندا وتە قاتتى ىستىق كۇتىلەدى

اقمولا، تۇركىستان، سولتۇستىك قازاقستان، پاۆلودار، قاراعاندى، ۇلىتاۋ، شىعىس قازاقستان، اباي، قىزىلوردا، جامبىل وبلىستارىندا، اقتوبە وبلىسىنىڭ وڭتۇستىگىندە، شىعىسىندا، قوستاناي وبلىسىنىڭ وڭتۇستىك-شىعىسىندا قاتتى ىستىق ساقتالادى، الماتى جانە جەتىسۋ وبلىستارىندا قاتتى ىستىق بولجانادى.

قىزىلوردا، ماڭعىستاۋ، جامبىل، اقمولا، سولتۇستىك قازاقستان، پاۆلودار، قوستاناي، قاراعاندى، ۇلىتاۋ وبلىستارىندا، اتىراۋ وبلىسىنىڭ سولتۇستىگىندە، شىعىسىندا، اباي، شىعىس قازاقستان وبلىستارىنىڭ سولتۇستىك-باتىسىندا، اقتوبە وبلىسىنىڭ باتىسىندا، وڭتۇستىك-شىعىسىندا، الماتى جانە جەتىسۋ وبلىستارىنىڭ سولتۇستىگىندە توتەنشە ءورت ءقاۋپى ساقتالادى.