ءىس قالالىق سوتقا كەلىپ تۇسكەن.
ەرتەڭ استانا قالاسىندا قايرات ساتىبالدىنىڭ ىسىنە قاتىستى سوت وتىرىسى باستالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى اگەنتتىك تىلشىسىنە استانا قالالىق سوتىنىڭ باسپا ءسوز قىزمەتى ءمالىم ەتتى.
رەسمي مالىمەت بويىنشا، ءىس قالالىق سوتقا بۇگىن كەلىپ تۇسكەن. ال سوت وتىرىسى ەرتەڭ ساعات 15-دە، ونلاين رەجيمدە باستالادى.
بۇعان دەيىن سىبايلاس جەمقورلىققا قارسى قىزمەت قايرات ساتىبالدىۇلىنا جانە باسقا دا تۇلعالارعا قاتىستى «قازاقتەلەكوم» اق مەن «كولىكتىك سەرۆيس ورتالىعى» اق قاراجاتىن اسا ءىرى كولەمدە ۇرلاۋ فاكتىلەرى بويىنشا سوتقا دەيىنگى تەرگەۋدى اياقتاعانىن حابارلاعان ەدى.
قايرات ساتىبالدى ۇلى 2022 جىلدىڭ 13 ناۋرىزىندا ۇستالىپ، ۋاقىتشا ۇستاۋ يزولياتورىنا قامالعان بولاتىن.