ەرمەك كوشەربايەۆ سىرتقى ىستەر ءمينيسترى بولىپ تاعايىندالدى

ەرمەك كوشەربايەۆ سىرتقى ىستەر ءمينيسترى بولىپ تاعايىندالدى، - دەپ حابارلايدى Aqshamnews.kz ءتىلشىسى.

"مەملەكەت باسشىسىنىڭ جارلىعىمەن ەرمەك بەدەلباي ۇلى كوشەربايەۆ قازاقستان رەسپۋبليكاسىنىڭ سىرتقى ىستەر ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى"، - دەپ جازىلعان حابارلامادا.

ەرمەك كوشەربايەۆ تۋرالى نە بەلگىلى؟

1965 جىلى 2 مامىردا الماتى قالاسىندا دۇنيەگە كەلگەن. ارعىننىڭ ىشىندە قاراكەسەك ەسبالاق رۋىنان شىققان.

1988 جىلى كيروۆ اتىنداعى قازاق مەملەكەتتىك ۋنيۆەرسيتەتىن تاريح ماماندىعى بويىنشا، شەت تىلىندە ساباق بەرەتىن تاريح ءپانىنىڭ ءمۇعالىمى، ال 1993 جىلى ساۋىردە كسرو سىرتقى ىستەر مينيسترلىگىنىڭ ديپلوماتيالىق اكادەمياسى حالىقارالىق قاتىناستار جانە سىرتقى ساياسات ماماندىعى بويىنشا بىتىرگەن.

ەڭبەك جولىن 1988 جىلدىڭ تامىز ايىندا قازاق كسر سىرتقى ىستەر مينيسترلىگىندە جاسىرىن ءىس جۇرگىزۋ جونىندەگى اعا ينسپەكتور بولىپ باستادى.

1988 جىلدىڭ قىركۇيەگىنەن 1989 جىلدىڭ قازانىنا دەيىن — قازاق كسر سىرتقى ىستەر ءمينيسترىنىڭ كومەكشىسى بولدى.

1989 جىلدىڭ قاراشاسىنان 1990 جىلدىڭ ماۋسىمىنا دەيىن — قازاق كسر سىرتقى ىستەر مينيسترلىگى باسپا ءسوز جانە اقپارات باسقارماسىنىڭ ءبىرىنشى حاتشىسى بولدى.

1990 جىلدىڭ ماۋسىمىنان 1991 جىلدىڭ قىركۇيەگىنە دەيىن — قازاق كسر سىرتقى ىستەر مينيسترلىگى كونسۋلدىق ءبولىمنىڭ ءبىرىنشى حاتشىسى.

1993 جىلدىڭ مامىرىنان تامىزىنا دەيىن — قازاقستان رەسپۋبليكاسى سىرتقى ىستەر مينيسترلىگى ازيا ەلدەرى باسقارماسىنىڭ ءبىرىنشى حاتشىسى.

1993 جىلدىڭ تامىزىنان جەلتوقسانىنا دەيىن — قازاقستان رەسپۋبليكاسى سىرتقى ىستەر مينيسترلىگى مەملەكەتتىك حاتتاما باسقارماسىنىڭ ءبىرىنشى حاتشىسى.

1993 جىلدىڭ جەلتوقسانىنان 1994 جىلدىڭ ماۋسىمىنا دەيىن — قازاقستان رەسپۋبليكاسى سىرتقى ىستەر مينيسترلىگى مەملەكەتتىك حاتتاما باسقارماسىنىڭ ءبولىم مەڭگەرۋشىسى.

1994 جىلدىڭ ماۋسىمىنان 1996 جىلدىڭ قاڭتارىنا دەيىن — قازاقستان رەسپۋبليكاسى پرەزيدەنتى اپپاراتى باسقارماسىنىڭ حالىقارالىق ءبولىمىنىڭ كەڭەسشىسى.

1996 جىلدىڭ قاڭتارىنان ساۋىرىنە دەيىن — قازاقستان رەسپۋبليكاسى پرەزيدەنتىنىڭ حاتتاما قىزمەتى باسشىسىنىڭ مىندەتىن اتقارۋشىسى.

1996 جىلدىڭ ساۋىرىنەن 1997 جىلدىڭ تامىزىنا دەيىن — بەرن قالاسىنداعى قازاقستان رەسپۋبليكاسىنىڭ شۆەيساريا كونفەدەراسياسىنداعى ەلشىلىگىنىڭ ءبىرىنشى حاتشىسى.

1997 جىلدىڭ تامىزىنان قازانىنا دەيىن — الماتى قالاسىنداعى كوپجاقتى ىنتىماقتاستىق دەپارتامەنتىنىڭ ازيالىق قاۋىپسىزدىك ءبولىمىنىڭ مەڭگەرۋشىسى.

1997 جىلدىڭ قازانىنان 1999 جىلدىڭ قاراشاسىنا دەيىن — قازاقستان رەسپۋبليكاسى پرەمەر-مينيسترى نۇرلان بالعىمبايەۆتىڭ كومەكشىسى.

2000 جىلدىڭ قاڭتار-مامىر ارالىعىندا — «نۇرسۇلتان نازاربايەۆ ءبىلىم قورى» قوعامدىق قورى ديرەكتورىنىڭ كوممەرسيالىق جانە جالپى ماسەلەلەر جونىندەگى ورىنباسارى.

2000 جىلدىڭ مامىرىنان قازانىنا دەيىن — «نۇرسۇلتان نازاربايەۆ ءبىلىم قورى» قوعامدىق قورى ديرەكتورىنىڭ ءبىرىنشى ورىنباسارى.

2000 جىلدىڭ قازانىنان 2001 جىلدىڭ قاڭتارىنا دەيىن — «قازترانسويل» ۇلتتىق مۇناي تاسىمالداۋ كومپانياسى» جابىق اكسيونەرلىك قوعامىنىڭ باسپا ءسوز قىزمەتىنىڭ جەتەكشىسى.

2001 جىلدىڭ قاڭتارىنان ماۋسىمىنا دەيىن — «قازترانسويل» ۇلتتىق مۇناي تاسىمالداۋ كومپانياسى» جابىق اكسيونەرلىك قوعامى پرەزيدەنتى اپپاراتىنىڭ جەتەكشىسى.

2001 جىلدىڭ ماۋسىمىنان 2002 جىلدىڭ ناۋرىزىنا دەيىن — «مۇناي جانە گاز تاسىمالداۋ» ۇلتتىق كومپانياسى» جابىق اكسيونەرلىك قوعامىنىڭ اپپارات باسشىسى.

2002 جىلدىڭ ناۋرىزىنان 2003 جىلدىڭ جەلتوقسانىنا دەيىن «قازمۇنايگاز» ۇلتتىق كومپانياسى» جابىق اكسيونەرلىك قوعامىنىڭ ءبىرىنشى ۆيسە-پرەزيدەنتى تيمۋر قۇلىبايەۆتىڭ كەڭەسشىسى جانە كومپانيا پرەزيدەنتى اپپاراتىنىڭ جەتەكشىسى بولىپ جۇمىس ىستەدى.

2003 جىلدىڭ جەلتوقسانىنان 2004 جىلدىڭ مامىرىنا دەيىن — «راۋان مەديا گرۋپپ» اكسيونەرلىك قوعامىنىڭ باس ديرەكتورى.^[1]

2004 جىلدىڭ مامىرىنان تامىزىنا دەيىن — «وتان» رەسپۋبليكالىق ساياسي پارتياسى ورتالىق اپپاراتى باسشىسىنىڭ ءبىرىنشى ورىنباسارى.

2004 جىلدىڭ تامىزىنان 2005 جىلدىڭ ساۋىرىنە دەيىن — «قازمۇنايگاز» ۇلتتىق كومپانياسى» اكسيونەرلىك قوعامى پرەزيدەنتى كەڭسەسىنىڭ مەڭگەرۋشىسى.

2005 جىلدىڭ ساۋىرىنەن 2006 جىلدىڭ مامىرىنا دەيىن — «اتامەكەن» قازاقستان كاسىپكەرلەرى مەن جۇمىس بەرۋشىلەرىنىڭ ۇلتتىق وداعى» زاڭدى تۇلعالار بىرلەستىگى اتقارۋشى ديرەكتورىنىڭ ءبىرىنشى ورىنباسارى.

2006 جىلدىڭ مامىرىنان 2007 جىلدىڭ اقپانىنا دەيىن — «وتان» رەسپۋبليكالىق ساياسي پارتياسى ورتالىق اپپاراتىنىڭ جەتەكشىسى.

2007 جىلدىڭ اقپانىنان شىلدەگە دەيىن — «بۇركىت» جاۋاپكەرشىلىگى شەكتەۋلى سەرىكتەستىگىنىڭ قارجىلىق-وندىرىستىك توبىنىڭ ديرەكتورى.

2007 جىلدىڭ قاراشاسىنان 2008 جىلدىڭ ساۋىرىنە دەيىن — «Kazenergy» قازاقستاننىڭ مۇناي-گاز جانە ەنەرگەتيكالىق كەشەن ۇيىمدارىنىڭ قاۋىمداستىعىنىڭ اتقارۋشى ديرەكتورى، استانا ق.

2008 جىلدىڭ ساۋىرىنەن 2009 جىلدىڭ اقپانىنا دەيىن — «راۋان مەديا گرۋپپ» اق باس پروديۋسەرى، استانا ق.

2009 جىلدىڭ اقپانىنان 2010 جىلدىڭ شىلدەسىنە دەيىن — «ەرتىس» الەۋمەتتىك-كاسىپكەرلىك كورپوراسياسى» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسى.

2010 جىلدىڭ شىلدەسىنەن قىركۇيەككە دەيىن — شىعىس قازاقستان وبلىسى اكىمى ورىنباسارىنىڭ مىندەتىن اتقارۋشىسى. 2010 جىلدىڭ قىركۇيەگىنەن 2012 جىلدىڭ قازانىنا دەيىن — شىعىس قازاقستان وبلىسى اكىمىنىڭ ورىنباسارى. 2012 جىلدىڭ قازانىنان 2014 جىلدىڭ جەلتوقسانىنا دەيىن — شىعىس قازاقستان وبلىسى اكىمىنىڭ ءبىرىنشى ورىنباسارى.

2014 جىلدىڭ جەلتوقسانىنان 2016 جىلدىڭ قازانىنا دەيىن — قازاقستان رەسپۋبليكاسى اۋىل شارۋاشىلىعى ۆيسە-مينيسترى.

2016 جىلدىڭ قازان – 2018 جىلدىڭ مامىر ارالىعىندا — قازاقستان رەسپۋبليكاسى اۋىل شارۋاشىلىعى مينيسترلىگىنىڭ جاۋاپتى حاتشىسى.

2018 جىلدىڭ مامىرىنان 2019 جىلدىڭ قاڭتارىنا دەيىن — قازاقستان رەسپۋبليكاسى سىرتقى ىستەر مينيسترلىگىنىڭ جاۋاپتى حاتشىسى.

2019 جىلدىڭ قاڭتارىنان 2020 جىلدىڭ قاڭتارىنا دەيىن — قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى.^[2]

2020 جىلدىڭ 29 قاڭتارىنان 2023 جىلدىڭ 16 ماۋسىمىنا دەيىن — قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى.^[3][4][5]

2023 جىلعى 16 ماۋسىمنان 2025 جىلعى 14 اقپانعا دەيىن — شىعىس قازاقستان وبلىسىنىڭ اكىمى.

2025 جىلعى 14 اقپاننان باستاپ — قازاقستان رەسپۋبليكاسى پرەمەر-مينيسترىنىڭ ورىنباسارى.

قازاق، ورىس، اعىلشىن، كارىس تىلدەرىن بىلەدى.

• ايەلى: ءشايجۇنىسوۆا دينارا ماركەن قىزى — 1998—2000 جىلدارى سەمەيدىڭ اكىمى بولعان ماركەن ءشايجۇنىسوۆتىڭ قىزى.
• بالالارى: ۇلى — داستان (1988)، قىزى — دامەلى (1993).

ول قازاقستاننىڭ تۇڭعىش پرەزيدەنتىنىڭ ۇلكەن قىزى داريعا نازاربايەۆاعا قۇدا بولىپ كەلەدى: دينارا ءشايجۇنىسوۆانىڭ ءىنىسى دالەن ءشايجۇنىسوۆ 2018 جىلى داريعا نازاربايەۆانىڭ قىزى ۆەنەراعا ۇيلەنگەن.