ەرلىك ۇمىتىلمايدى

قايسارلىق  – قانمەن كەلەر قاسيەت!

تاۋەلسىزدىكتىك 30 جىلدىعى اياسىندا، الماتىدا  راتاي سۇلتانبەكوۆتىڭ ەسىمى مەن ەرلىگىن وسكەلەڭ ۇرپاققا  دارىپتەۋ ماقساتىندا ءىس-شاراسى ءوتتى.

الماتى قالاسى ورتالىقتاندىرىلعان كىتاپحانا جۇيەسىنىڭ №4  بولىمىشەسىندە، قازاق باتىرىنىڭ ەرلىگى دارىپتەلدى. كىتاپحانا مەڭگەرۋشىسى يمانبايەۆا ساعىن كادەن قىزى، نەمەرە ءىنىسى كەنىشبەك سۇلتانبەكوۆتىڭ مۇرىندىق بولۋىمەن ايتۋلى شارا بولدى. اتالاعان جيىنعا قازاقستان جازۋشىلار وداعىنىڭ مۇشەسى ەرمەك زىكىريانوۆ، ەڭبەك ارداگەرى ەسەت امانتايەۆ  جانە كوللدەج ستۋدەنتتەرى، وقۋشىلار قاتىناستى.

جيىندى جازۋشى ەرمەك جۇماحمەت ۇلى اشتى. باتىر راتايدىڭ قايسارلىعىن ءسوز ەتتى. ەكىنشى دۇنيەجۇلىك سوعىستا، نەبارى 21 جاسىندا باتالون باسقارىپ، قيان-كەسكى ۇرىستا ەرلىكتىڭ ەرەن ۇلگىسىن كورسەتكەندىگىن ايتتى. وسىنىڭ بارشاسى كىتاپقا جازىلعاندىعىن مالىمدەدى. سودان كەيىنگى ويدى تۋىسى كەنىشبەك، جەرلەسى ەسەت اقساقالدار جالعادى. ولار وعلاننىڭ تاريحتاعى بەدەلى، ايبىنى، جاۋجۇرەكتىلىگى، ءور-رۋحتىلىعىنا توقتالدى. حالقىمىزدىڭ اردا ۇلىنىڭ ەسىمى وشپەس ءۇشىن الماتىدان كوشە بەرىلسە دەگەن تىلەكتەرىن دە جەتكىزدى.

وسىلايشا، قازاقى ناقىشتا قوبىز، دومبىرا ءۇنى ەستىلدى. پاتريوتتىق باعىتتا ان-كۇي شىرقالىپ تاراستى.

ۇلتىنا قىزمەت جاساعان تۇلعانىڭ اتى – تاريحتا التىن ارىپپەن جازىلارىنا سەنەمىز!