بۇل باعىتتاعى زەرتتەۋ ناتيجەسى ادام عۇمىرىنىڭ ەداۋىر ۇزارعانىن جانە گەندەرلىك ايىرماشىلىقتىڭ جويىلعانىن كورسەتىپ بەردى.
بۇل جايىندا islam.kz پورتالى Live Science اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
دالىرەگى، ەرلەر مەن ايەلدەردىڭ ءومىر ءسۇرۋ ۇزاقتىعىنىڭ الشاقتىعى جويىلۋدا. يسپانياداعى الكالا ۋنيۆەرسيتەتىنىڭ ەكونوميكا جانە بيزنەستى باسقارۋ پروفەسسورى ديەۆيد اتانس باستاعان عالىمدار وسىنداي تۇجىرىمعا كەلگەن ەكەن. بۇل تاراپتاعى زەرتتەۋ 190-نان استام ەلدى قامتىدى. 1990 جىلى ايەلدەردىڭ ورتاشا ءومىر ءسۇرۋ ۇزاقتىعى 77،17 جاس بولسا، ەرلەردىكى 72،23 جاستى قۇرادى. 2010 جىلى بۇل كورسەتكىشتەر ايەلدەر ءۇشىن 83،10-عا جانە ەرلەر ءۇشىن 78،37-گە دەيىن ءوسىپ، ءومىر ءسۇرۋ ۇزاقتىعىنىڭ الشاقتىعى شامامەن 0،2 جىلعا قىسقارعان.
عالىمدار ايەلدەردىڭ ءومىر ءسۇرۋ ۇزاقتىعىنىڭ ۇلعايۋ قارقىنى باياۋلاپ كەلە جاتقانىن، دۇنيە جۇزىندە ورتاشا ءومىر ءسۇرۋ ۇزاقتىعى 2030 جىلعا قاراي ايەلدەر ءۇشىن 86،54 جاستى، ەرلەر ءۇشىن 83،13 جاستى قۇرايتىنىن اتاپ ءوتتى. سوعان قاراماستان ايەلدەردىڭ ءومىر ءسۇرۋ ۇزاقتىعى ەرلەرگە قاراعاندا ءالى دە جوعارى ەكەنىن ايتا كەتۋ كەرەك. وسى تۇستا ەرلەر جاسۋشاسىنان جاس ۇلعايعان سايىن ءۇ-حروموسوماسى جوعالا باستايتىنىن جانە جاسقا بايلانىستى اۋرۋلاردان ايەلدەرگە قاراعاندا ەرتەرەك كوز جۇماتىنىن دا ايتا كەتكەن ءجون.