كادرلاردىڭ الەۋەتىن دامىتۋ ءىىم جۇيەسىندەگى ساپالى وزگەرىستەرگە اسەر ەتەدى.
مينيستر ءىىم الماتى اكادەمياسىنىڭ №1 فاكۋلتەتىنىڭ تۇڭعىش بىتىرۋشىلەرىنە سەرتيفيكاتتار تاپسىردى، – دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
ىشكى ىستەر مينيسترلىگىنىڭ الماتى اكادەمياسىندا باسشىلىق قۇرامدى دايارلاۋ فاكۋلتەتىن اياقتاعان تىڭداۋشىلاردىڭ وقۋ ناتيجەلەرى شىعارىلدى.
وقۋدى جەمىستى اياقتاعان قىزمەتكەرلەرگە سەرتيفيكاتتار تاپسىرۋ سالتاناتىنا پوليسيا ۆەدومستۆوسىنىڭ باسشىسى قاتىستى.
«مەملەكەت باسشىسى قاسىم-جومارت توقايەۆتىڭ تاپسىرماسى اياسىندا ىشكى ىستەر مينيسترلىگىنىڭ الدىندا پوليسيانى رەفورمالاۋدىڭ ماڭىزدى مىندەتتەرى تۇر. ءبىزدىڭ ماقساتىمىز – مەنەدجمەنتتى، اقپاراتتىق تەحنولوگيانى، قوعاممەن بايلانىستى جانە ءتۇرلى سالالىق ءبىلىمدى مەڭگەرگەن جاڭا فورماتتاعى پوليسيا كادرلارىن دايىنداۋ»، – دەپ اتاپ ءوتتى ىشكى ىستەر ءمينيسترى ەرلان تۇرعىمبايەۆ.
ءۇش اي بويى پوليسيا دەپارتامەنتەرىنىڭ باسشىلارى، قىلمىستىق اتقارۋ جۇيەسى كوميتەتىنىڭ جانە باسقا دا بولىمدەردەن كەلگەن تىڭداۋشىلار باسقارۋ سالاسىنىڭ قىر-سىرلارىن، اكىمشىلىك- شارۋاشىلىق قىزمەتىن، قارجى جانە قۇقىقتىق ساۋاتتى، جوبالاۋ، داعدارىستان شىعارۋ جانە HR-مەنەدجمەنت، شەشەندىك ونەر شەبەرلىگى، باق-تارمەن قارىم-قاتىناس سەكىلدى باعىتتاردا تەرەڭ ءبىلىم الدى.
ولارعا اكادەميانىڭ وقىتۋشىلارىنان بولەك ارنايى شاقىرىلعان عالىمدار، قوعام وكىلدەرى، دەپۋتاتتار جانە ارداگەرلەر ساباق بەردى. قازىرگى زامان تالابىنا ساي باسشىلىق قۇرامدى دايارلاۋدىڭ ماڭىزدىلىعىن ماراپاتتاۋ راسىمىندە وقۋ پروسەسىنە ءوزى دە قاتىسقان قازاقستان پرەزيدەنتى جانىنداعى ۇلتتىق كەڭەستىڭ مۇشەسى راحىم وشاقبايەۆ اتاپ ءوتتى.
«كادرلاردىڭ الەۋەتىن دامىتۋ ءىىم جۇيەسىندەگى ساپالى وزگەرىستەرگە اسەر ەتەدى. وسىندا العان ءبىلىم ازاماتتاردىڭ قاۋىپسىزدىگىن قامتاماسىز ەتۋ دەڭگەيىن ارتتىرىپ، قۇقىق قورعاۋ ورگاندارىنا دەگەن سەنىمدى كۇشەيتەدى»، – دەدى ەرلان تۇرعىمبايەۆ ءوز سوزىندە.