سوتتالۋشى كىناسىن تولىق مويىنداپ، شىن جۇرەكتەن وكىنىش ءبىلدىردى.
تۇرعىمبايەۆقا سىبايلاس جەمقورلىق قىلمىس بەلگىلەرىنسىز ايىپ تاعىلعاندىقتان، قك 63-بابى نەگىزىندە تاعايىندالعان جازانى شارتتى دەپ ساناۋ تۋرالى شەشىلدى، دەپ حابارلايدى aqshamnews.kz
استانانىڭ قىلمىستىق ىستەر جونىندەگى اۋدانارالىق سوتى اۋىر زارداپتارعا اكەپ سوققان بيلىكتى اسىرا پايدالاندى دەپ ايىپتالعان ەكس-مينيستر ەرلان تۇرعىمبايەۆقا قاتىستى قىلمىستىق ءىستى قارادى.
بۇل ءىس "قۇپيا" دەگەن بەلگىمەن كىنانى مويىنداۋ نىسانىندا ءىس جۇرگىزۋ كەلىسىمىمەن كەلىپ ءتۇستى. سوندىقتان ونىڭ قارالۋى جابىق سوت وتىرىسىندا ءوتتى.
سوتتا پروكۋرور ايىپتى قولداپ، سوتتان 5 جىلعا باس بوستاندىعىنان ايىرۋ جازاسىن تاعايىنداۋدى سۇرادى.
بۇل رەتتە قك-نىڭ 63-بابى نەگىزىندە جازانى پروباسيالىق باقىلاۋدى بەلگىلەي وتىرىپ، سول مەرزىمگە شارتتى تۇردە دەپ ايقىنداۋدى سۇرادى.
سوت ۇكىمىمەن ت. ق ر قك 362-بابىنىڭ 4-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلىپ، 10 جىلعا بەلگىلى ءبىر لاۋازىمداردى اتقارۋ قۇقىعىنان ايىرىلا وتىرىپ، 5 جىلعا باس بوستاندىعىنان ايىرىلدى.
بۇل رەتتە سوت سوتتالۋشىنىڭ كىناسىن مويىنداۋىن، ونىڭ شىن جۇرەكتەن وكىنۋىن جانە العاش رەت قىلمىس جاساۋىن دا ەسكەردى.
قك 49-بابىنىڭ 2-بولىگىنە سايكەس سوت قازاقستان رەسپۋبليكاسىنىڭ پرەزيدەنتىنە ارناۋلى اتاقتان جانە مەملەكەتتىك ناگرادالاردان ايىرۋعا ۇسىنىس ەنگىزۋ تۋرالى شەشىم قابىلدادى.