قازاقستان رەسپۋبليكاسىنىڭ مەملەكەتتىك كەڭەسشىسى ەرلان ءقاريننىڭ توراعالىعىمەن پرەزيدەنت جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسى ءوتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
جيىندا قازاقستان رەسپۋبليكاسى پرەزيدەنتىنىڭ «ادىلەتتى قازاقستان: ءبارىمىز جانە ءارقايسىمىز ءۇشىن. ءقازىر جانە ءاردايىم» سايلاۋالدى باعدارلاماسىنداعى سىبايلاس جەمقورلىققا قاتىستى ماسەلەلەردىڭ ورىندالۋى، سونداي-اق، كەدەن، قۇرىلىس سالالارىنداعى سىبايلاس جەمقورلىققا قارسى كەشەندى جوسپاردى جۇزەگە اسىرۋ بارىسى قارالدى.
اتقارىلعان جۇمىستار جايىندا سىبايلاس جەمقورلىققا قارسى ءىس-قيمىل اگەنتتىگىنىڭ، قارجى، يندۋستريا جانە ينفراقۇرىلىمدىق دامۋ مينيسترلىكتەرىنىڭ ەسەپتەرى تىڭدالدى.
ەرلان قارين سىبايلاس جەمقورلىقپەن كۇرەس مەملەكەت باسشىسى باسىمدىق بەرىپ وتىرعان نەگىزگى باعىتتىڭ ءبىرى ەكەنىن اتاپ ءوتتى. سونىمەن قاتار بۇل تاراپتاعى جۇمىس قازاقستان قوعامىن جاڭعىرتۋعا باعىتتالعان رەفورمالاردى ءتيىمدى ىسكە اسىرۋعا سەپتىگىن تيگىزەتىنىن ايتتى.