ۇلتتىق قوعامدىق سەنىم كەڭەسىنىڭ اياسىندا ساراپشىلار قازاقستان وڭىرلەرىندە اۋىل اكىمدەرىن تىكەلەي سايلاۋىن وتكىزۋ بارىسىن تالقىلادى، دەپ حابارلايدى almaty-akshamy.kz
ءىس-شاراعا ۇقسك مۇشەلەرى، ق ر پارلامەنت ءماجىلىسىنىڭ دەپۋتاتتارى، بەلگىلى قازاقستاندىق ساياساتتانۋشىلار مەن الەۋمەتتانۋشىلار قاتىستى. شارانى ق ر پرەزيدەنتىنىڭ كومەكشىسى، ۇلتتىق كەڭەس حاتشىسى ەرلان قارين اشتى.
«رەفورمالار مەن ديالوگ - پرەزيدەنتتىك كۋرستىڭ نەگىزگى باعىتتارىنىڭ ءبىرى. ماسەلەن، ساياسي باستامالاردى جۇزەگە اسىرۋ اياسىندا عانا قازىرگى تاڭدا 10 زاڭ قابىلداندى. ولاردىڭ ىشىندە اعىمداعى جىلدىڭ مامىر ايىندا مەملەكەت باسشىسى «قازاقستان رەسپۋبليكاسىنداعى سايلاۋ تۋرالى» ق ر كونستيتۋسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» ق ر كونستيتۋسيالىق زاڭىنا جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنا قول قويدى. سونىڭ ناتيجەسىندە بيىلعى جىلدىڭ ەكىنشى جارتىجىلدىعىنان باستاپ رەسپۋبليكا بويىنشا 811 اۋىلدىق وكرۋگتە اكىمدەردىڭ سايلاۋى ءوتتى. سايلانعان اكىمدەردىڭ 86% ساياسي پارتيالاردىڭ ۇمىتكەرلەرى. تاعى 14% ءوزىن-وزى ۇسىنعان ۇمىتكەرلەر. سونىمەن بىرگە، سايلانعان اكىمدەردىڭ جارتىسى (51%) سايلاۋعا دەيىن بۇل قىزمەتتەردى اتقارماعان جاڭا ادامدار» – دەپ اتاپ ءوتتى ول جيىن بارىسىندا.
ۇقسك جانە پرەزيدەنتتىك جاستار كادر رەزەرۆىنىڭ بىرلەسكەن زەرتتەۋ توبىنىڭ جەتەكشىسى الەكساندر دانيلوۆ 4 وبلىستىڭ (پاۆلودار، قوستاناي، تۇركىستان جانە شىعىس قازاقستان) اۋىل اكىمدەرىنىڭ سايلاۋى وتكەن اۋىلدىق وكرۋگتەرىنە بارۋ نەگىزىندە دايىندالعان تالدامالىق باياندامانى ۇسىندى.
باياندامادا اۋىلداعى تۇرعىنداردىڭ نەگىزگى تۇيتكىلدى ماسەلەلەرى، اۋىل اكىمدەرىن تىكەلەي سايلاۋدىڭ قىسقاشا قورىتىندىلارى جانە سايلاۋ ناۋقانىنىڭ ەرەكشەلىكتەرى كورسەتىلگەن. الەكساندر دانيلوۆ ءوز سوزىندە اۋىلدىق وكرۋگ اكىمىن تىكەلەي سايلاۋىنا بايلانىستى اۋىل تۇرعىندارىنىڭ جالپى پىكىرى جاقسى ەكەنىنە نازار اۋداردى.
زەرتتەۋ بارىسىندا ۇمىتكەرلەرمەن جۇرگىزىلگەن سۇحباتتار ناتيجەسى ساياسي پارتيالار جۇمىسىنىڭ جاندانعانىن، سونداي-اق ۇمىتكەرلەر ۋاجدەمەلەرىنىڭ جەتكىلىكتى جوعارى دەڭگەيىن، سايلاۋ ناۋقانى مەحانيزمدەرى مەن تاكتيكاسىن جاقسى تۇسىنگەندەرىن كورسەتتى. سونىمەن بىرگە، بۇدان بۇرىن ماڭعىستاۋ، سولتۇستىك قازاقستان جانە قاراعاندى وبلىستارىندا ۇقسك مۇشەلەرىنىڭ كوشپەلى وتىرىستارى اياسىندا اۋىل اكىمدەرىنىڭ تىكەلەي سايلاۋىنا دايىندىق بارىسى مەن اۋىلداردى دامىتۋ ماسەلەلەرى تالقىلانعان بولاتىن.
مۇرات ابەنوۆ، تولەۋتاي راقىمبەكوۆ، مارات باشيموۆ جانە ماكسيم روجين وڭىرلەرگە بارعان ساپارلارىنا قاتىستى ءوز باعالارىمەن ءبولىستى. سونداي-اق، وڭىرلەردەن كەلگەن ۇقسك مۇشەلەرى ءلاززات قوجاحمەتوۆا، ءبورىحان نۇرمۇحامەدوۆ، تاتتىگۇل تالايەۆا، ۋايس ەرسايىن ۇلى جانە ايگۇل ورىنبەك جەرگىلىكتى جەرلەردە اۋىل اكىمدەرىن سايلاۋدىڭ ەرەكشەلىكتەرىنە توقتالدى.
تالقىلاۋ قورىتىندىسى بويىنشا ساراپشىلار اۋىل اكىمدەرىن تىكەلەي سايلاۋ تەتىگىن جەتىلدىرۋ بويىنشا ءبىرقاتار ۇسىنىستار بەردى. ۇلتتىق قوعامدىق سەنىم كەڭەسىنىڭ الداعى التىنشى وتىرىسىندا دا اۋىل اكىمدەرى سايلاۋىن وتكىزۋ بويىنشا ۇسىنىستار توپتاماسى ۇسىنىلادى.