ق ر مەملەكەتتىك حاتشىسى ەرلان قارين قازاقستانداعى وقيعالاردى اقش-تاعى تولقۋلارمەن سالىستىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ءبىز كەز كەلگەن وزگە مەملەكەتكە قارسى تۇتاستىعىن بۇزۋعا باعىتتالعان بارىنشا تۇرپايى سەناريي قولدانۋعا بولاتىن جاڭا كەزەڭگە وتكەنىمىزدى ءتۇسىنۋىمىز كەرەك. ياعني، وسى مەملەكەتتى ساقتاپ قالا الامىز با دەگەن سۇراق تۇردى. ءبىر عانا قالانى قورعاۋ ماسەلەسى بولعان جوق. ءبىر ۋاقىتتا بىرنەشە وڭىردە شابۋىل جاسالدى. وسى وقيعالاردىڭ نەگىزگى قۇرالى تەرروريستىك شابۋىلدار، تەرروريستىك توپتاردىڭ ازاماتتىق نىساندارعا شابۋىلى بولدى. قازىرگى تاڭدا كونترتەرروريستىك وپەراسيا ءجۇرىپ جاتىر»، - دەدى مەملەكەتتىك حاتشى.
ونىڭ سوزىنشە، مۇنداي وپەراسيانىڭ ءجۇرىپ جاتقانى تۋرالى فاكتىنىڭ ءوزى سالماقتى احۋالعا تاپ بولعانىمىزدى كورسەتەدى.
«ويتكەنى مەملەكەتتىڭ ارەكەتتەر الگوريتيمى بار. تارتىپسىزدىك جاعدايىندا ءبىر جوسپارى بولادى، تولقۋلار جانە باسقا دا جايتتار بولسا، باسقا الگوريتم، جوسپار ىسكە قوسىلادى. ولاردىڭ بەلگىلى ءبىر كودتىق اتاۋى بولادى دەگەن سياقتى. ءقازىر ءبىزدىڭ ەلىمىزدە توتەنشە جاعدايدان بولەك تەرروريزمگە قارسى وەپراسيا رەجيمى ەنگىزىلگەن. ويتكەنى ءبىز تەرروريستىك قاتەرگە تاپ كەلدىك. كوپتەگەن ەلدەردە جۋىقتا بولعان وقيعالار بار. مىسالى، اقش-تاعى وسىعان ۇقساس كاپيتوليگە جاسالعان شابۋىلدى ايتۋعا بولادى. نەمەسە تاياۋ شىعىس ەلدەرىندەگى وقيعالاردى ايتۋعا بولادى. وسى وقيعالاردىڭ بارىندە تەك بەلگىلى ءبىر ەلەمەنت قانا بولاتىن. نە سىرتقى ەلەمەنت، نە ىشكى ەلەمەنت، نە اقپاراتتىق، نە ساياسي جانە تاعى سول سياقتى. ال ءقازىر، وسى وقيعالاردىڭ بارىنە سىرت كوز رەتىندە قاراساق، احۋالدى تۇراقسىزداندىرۋدىڭ بۇكىل ارسەنالى قولدانىلعانىن كورەمىز. ماقساتى - مەملەكەتتىڭ تۇتاستىعىن بۇزۋ بولعان. ەلىمىز ول سىناققا قارسى تۇرا ءبىلدى»، - دەدى ەرلان قارين.