مەملەكەتتىك كەڭەسشى ەرلان قارين حالىقارالىق تۇركى اكادەمياسىنىڭ پرەزيدەنتى دارحان قىدىرالىمەن كەزدەستى، دەپ حابارلايدى Almaty-akshamy.kz Inform.kz-كە سىلتەمە جاساپ.
كەزدەسۋدە مەملەكەتتىك كەڭەسشى تۇركىتىلدەس مەملەكەتتەر اراسىنداعى مادەني-گۋمانيتارلىق بايلانىستاردىڭ ماڭىزدىلىعىن ايتىپ، ەلىمىزدىڭ ءبىلىم، عىلىم سالاسىنداعى باسىم باعىتتاردى اتاپ ءوتتى.
ەرلان قارين مەملەكەت باسشىسىنىڭ ۇلتتىق عىلىم اكادەمياسىندا جانە ۇلتتىق قۇرىلتايدا سويلەگەن سوزدەرىندە ايتىلعان رۋحانيات، مادەنيەت، ءبىلىم، عىلىم سالالارى بويىنشا باستامالارىنىڭ ءمانى مەن ماڭىزىنا توقتالدى.
دارحان ءقىدىرالى تۇركى اكادەمياسىنىڭ ءبىلىم، عىلىم باعىتىندا اتقارعان جۇمىستارى جونىندە، ونىڭ ىشىندە، حالىقارالىق ۇيىم شەڭبەرىندە احمەت بايتۇرسىن ۇلىنىڭ 175 جىلدىق جانە مۇحتار اۋەزوۆتىڭ 125 جىلدىق مەرەيتويلارى اياسىندا وتكەن ءىس-شارالار تۋرالى باياندادى. بۇدان بولەك، پاندەميادان كەيىن جالعاسقان موڭعولياداعى ارحەولوگيالىق قازبا جۇمىستارى مەن ەكسپەديسيالاردىڭ بارىسىن جەتكىزدى. بيىل تۇركىتىلدەس مەملەكەتتەرى اراسىنداعى ىنتىماقتاستىقتىڭ ورناعانىنا 30 جىل تولادى.
وسىعان وراي اكادەميا پرەزيدەنتى باۋىرلاس ەلدەردىڭ ىقپالداستىعىن ارتتىرۋعا قاتىستى ويىمەن ءبولىسىپ، ايتۋلى داتانى اتاپ ءوتۋ جايىنداعى ۇسىنىستارىن ايتتى.