الماتى قالاسى قازاقستان حالقى اسسامبلەياسى ءتوراعاسىنىڭ ورىنباسارى، قالا اكىمىنىڭ ورىنباسارى ەرجان باباقۇماروۆ قالانىڭ ەتنومادەني بىرلەستىكتەرىنىڭ وكىلدەرىمەن كەزدەسۋدە مەگاپوليستە قوعامدىق كەلىسىمدى دامىتۋ مەن نىعايتۋدىڭ وزەكتى ماسەلەلەرىن تالقىلادى، دەپ حابارلايدى Almaty-akshamy.kz
كەزدەسۋ ق ر تۇڭعىش پرەزيدەنتى كۇنى اشىلعان قالالىق دوستىق ۇيىندە ءوتتى.
كەزدەسۋ بارىسىندا دوستىق ءۇيىنىڭ جۇمىسىن دامىتۋ ماسەلەلەرى، قالانىڭ قحا-نىڭ پەرسپەكتيۆالىق باعىتتارى، مادەني-گۋمانيتارلىق جانە قايىرىمدىلىق سالالارىنداعى ىقتيمال جوبالار تالقىلاندى.
كەزدەسۋدە 2022-2023 جىلدارعا ارنالعان الماتى قالاسى تۇرعىندارىنىڭ ەتنيكالىق توپتارى اراسىندا مادەنيەتارالىق كوممۋنيكاسيانى، ءوزارا ءىس-قيمىل مەن ينتەگراسيانى ودان ءارى دامىتۋ جونىندەگى جۇمىس تۇجىرىمداماسى ۇسىنىلدى. كەزدەسۋگە قاتىسۋشىلاردىڭ پىكىرىن ەسكەرە وتىرىپ، قۇجات جوباسىنا تولىقتىرۋلار ەنگىزىلەتىن بولادى.
ە. باباقۇماروۆ قالانىڭ ەتنومادەني بىرلەستىكتەرى قالاي ورنالاسقاندىعىمەن تانىستى. ولاردىڭ بارلىعى الماتىدا 36. كەڭ عيماراتتا داستۇرلەردى، تىلدەردى، مادەنيەتتى ساقتاۋ ءۇشىن بارلىق جاعدايلار جاسالعان. مۇندا 24 كابينەت، كونفەرەنس-زال، ءتىل سىنىبى، بي زالى، مەدياسيا جانە قوعامدىق كەلىسىم كەڭەسى كابينەتتەرى، سونداي-اق قوعامدىق قابىلداۋ بولمەسى بار.
كەزدەسۋ سوڭىندا ە. باباقۇماروۆ ەتنومادەني بىرلەستىكتەردىڭ بەلسەندى مۇشەلەرىنە ەتنوسارالىق قاتىناستاردى دامىتۋعا جانە قوعامدىق كەلىسىمدى نىعايتۋعا قوسقان ۇلەسى ءۇشىن العىس حاتتاردى تاپسىردى.