ءبارى تەگىن. قالا مۋزەيلەرى كەلۋشىلەردى 18:00-دەن 00:00-گە دەيىن مۋزەي قۇپيالارىن اشىپ، بىرەگەي مۋزەي مۇراسىمەن تانىستىرادى.
«مۋزەيلەر ءتۇنى» - بۇل حالىقارالىق مۋزەيلەر كۇنىنە وراي كوپتەگەن مادەني مەكەمەلەردىڭ قاتىسۋىمەن جىل سايىن ءداستۇرلى تۇردە ۇيىمداستىرىلاتىن اكسيا، دەپ حابارلايدى اlmaty-akshamy.kz.
اكسياعا الماتى قالاسى مۋزەيلەر بىرلەستىگىنىڭ سەگىز مۋزەيى قاتىسادى: الماتى مۋزەيى، ىقىلاس اتىنداعى حالىق مۋزىكالىق اسپاپتار مۋزەيى، د.ا. قونايەۆ مۋزەيى، ن. تىلەندييەۆتىڭ مەموريالدىق مۋزەيى، س. مۇقانوۆ پەن ع. مۇسىرەپوۆتىڭ ادەبي-مەموريالدىق مۋزەي كەشەنى، مۋلتيمەديالىق ءداستۇرلى مۋزىكا ورتالىعى جانە ا. بايتۇرسىن ۇلى مۋزەي-ۇيى.
اكسيا اياسىندا قالا قوناقتارى مەن تۇرعىندارى مۋزەي قىزمەتكەرلەرىنىڭ عىلىمي زەرتتەۋلەرى بارىسىندا قايتا اشىلعان جانە ادەتتە كوپشىلىك كورە المايتىن بىرەگەي ەكسپوناتتاردى كورىپ، كۆەست، ۆيكتورينالار مەن كونكۋرستارعا، تاريح جانە مادەنيەتكە قاتىستى تانىمدىق ويىندار ويناپ، شەبەرلىك ساعاتتارعا قاتىسا الادى.
الماتى مۋزەيىنە كەلۋشىلەر مەملەكەت جانە قوعام قايراتكەرى وزبەكالى جانىبەكوۆتىڭ ءومىرى مەن قىزمەتىنە ارنالعان كورمەنى تاماشالاي الادى. سونىمەن بىرگە، «Show Today» كومانداسى كەلۋشىلەرگە مۋزەيگە بايلانىستى تاپسىرمالار ارقىلى، مۋزىكالىق ءبىلىمىن، بي مەن جىلدامدىعىن سىناي الاتىن، توپتىق، ينتەراكتيۆتىك، ينتەللەكتۋالدىق سايىسىن ۇسىنادى. بۇل ويىندار ىقىلاس اتىنداعى حالىق مۋزىكالىق اسپاپتار مۋزەيىندەدە وتەدى.
بىرلەستىك مۋزەيلەرى كەلۋشىلەرگە ەكسكۋرسوۆود-گيدتەردىڭ، كورنەكتى تۇلعالاردىڭ ۇرپاقتارىمەن، مادەنيەت قايراتكەرلەرىنىڭ، تانىمال ارتىستەر مەن بلوگەرلاردىڭ قاتىسۋىمەن وتەتىن مادەني-تانىمدىق باعدارلاما ۇسىنادى.
سونىمەن قاتار، اكسيا اياسىندا جەتى مۋزەيدى قامتيتىن قىزىقتى كۆەست-ويىنى وتەدى. قاتىسۋشىلار ءار مۋزەي تاريحىن بىلۋدەن سايىسقا تۇسەدى. كوماندالار ماقساتى – پانو قۇراستىرۋ ءۇشىن مۋزەي قىزمەتكەرلەرى دايىنداعان سۇراقتارعا جاۋاپ بەرىپ، بارلىق پازلداردى جيناۋ. كوماندارلاردى مەديا تۇلعا كاپيتاندار كيريلل مەيستەر، ايگەرىم ۇزەمبايەۆا جانە تاحير سۇلتان باستايدى.
اكسيا ەۋروپا كەڭەسى مەن حالىقارالىق مۋزەيلەر كەڭەسىنىڭ (ICOM) قامقورلىعىمەن وتكىزىلۋدە. العاشقى رەت «مۋزەيلەر ءتۇنى» 1997 جىلى بەرليندە ءوتتى. 1999 جىلى فرانسيانىڭ مادەنيەت جانە كوممۋنيكاسيالار مينيسترلىگىنىڭ باستاماسىمەن بۇل شارا كەڭەيتىلدى: بارلىق فرانسۋز مۋزەيلەرىندە كوكتەمنىڭ ءبىر جەكسەنبىسىندە كەلۋشىلەرگە تەگىن كىرۋ مۇمكىندىگىن اشۋ ۇسىنىلدى. اكسيا «مۋزەيلەر كوكتەمى» دەپ اتالدى. 2001 جىلدان بەرى ەۋروپا كەڭەسىنىڭ مادەنيەت جونىندەگى كونۆەنسياسىنا قول قويعان 39 ەلدىڭ بارلىق مۋزەيلەرى بۇل اكسياعا قاتىسىپ ۇلگەرىپ، بۇل مادەني شارانى باسقارۋ وسى ەلدەردىڭ مادەنيەت مينيسترلىكتەرىنە جۇكتەلگەن. 2005 جىلى «مۋزەيلەر كوكتەمى» «مۋزەيلەر تۇنىنە» اينالدى. 2005 جىلى اكسياعا فرانسيانىڭ 750 مۋزەيى جانە ەۋروپانىڭ 500 مۋزەيى قاتىستى.
«مۋزەيلەر ءتۇنى» اكسياسى قازاقستاندا العاش رەت 2006 جىلى وتكىزىلدى.
- الماتى مۋزەيى – قابانباي باتىر كوشەسى، 132
- ىقىلاس اتىنداعى حالىق مۋزىكالىق اسپاپتار مۋزەيى – زەنكوۆ كوشەسى، 24ا
- د. ا. قونايەۆ مۋزەيى – تولەبايەۆ كوشەسى، 117
- ن. تىلەندييەۆ مەموريالدىق مۋزەيى – قونايەۆ كوشەسى، 96
- س. مۇقانوۆ جانە ع. مۇسىرەپوۆ اتىنداعى ادەبي-مەموريالدىق مۋزەي كەشەنى – تولەبايەۆ كوشەسى، 125
- مۋلتيمەديالىق ءداستۇرلى مۋزىكا ورتالىعى – نۇركەنت ىقشام اۋدانى 5/11
- ا. بايتۇرسىن ۇلى مۋزەي-ۇيى – بايتۇرسىن ۇلى، 60