رەسەي-ۋكراينا سوعىسىنداعى سوڭعى جاعداي مەن كەلىسسوزدەر بارىسى تالقىلاندى
رەسەي پرەزيدەنتى ۆلاديمير پۋتين مەن تۇركيا باسشىسى رەجەپ تاييپ ەردوعان جەكسەنبى كۇنى تەلەفون ارقىلى سويلەسۋ بارىسىندا رەسەي مەن ۋكراينا دەلەگاسيالارى اراسىنداعى كەلىسسوزدەردىڭ كەلەسى راۋندىن ىستانبۇلدا وتكىزۋ تۋرالى ۋاعدالاستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«كەلىسسوزدەر بارىسىندا رەسەي-ۋكراينا سوعىسىنداعى سوڭعى جاعداي مەن كەلىسسوزدەر بارىسى تالقىلاندى. پرەزيدەنت ەردوعان مەن رەسەي پرەزيدەنتى ۆلاديمير پۋتين رەسەي مەن ۋكراينا كەلىسسوزدەر دەلەگاسيالارىنىڭ كەلەسى كەزدەسۋىن ىستانبۇلدا وتكىزۋگە كەلىستى»، - دەپ حابارلادى جۋرناليستەرگە تۇركيا پرەزيدەنتىنىڭ كەڭسەسىنەن.
تاسس اگەنتتىگىنىڭ مالىمەتىنشە، بۇعان دەيىن رەسەي دەلەگاسياسىنىڭ باسشىسى، پرەزيدەنت كومەكشىسى ۆلاديمير مەدينسكيي رەسەي مەن ۋكراينا دەلەگاسيالارى كەلىسسوزدەردىڭ كەزەكتى بەتپە-بەت راۋندىن 29-30 ناۋرىزدا وتكىزۋ تۋرالى شەشىم قابىلداعانىن حابارلاعان بولاتىن.
سونداي-اق ەردوعان جەكسەنبى كۇنى پۋتينمەن تەلەفون ارقىلى سويلەسكەن كەزدە، انكارا رەسەي مەن ۋكراينا اراسىندا بەيبىتشىلىكتىڭ ورناۋىنا ىقپال ەتۋدى جالعاستىراتىنىن اتاپ وتكەن.
«پرەزيدەنت ەردوعان رەسەي مەن ۋكراينا اراسىندا قىسقا ۋاقىتتا ءبىتىم مەن بەيبىتشىلىك ورناتۋ، سونداي-اق وڭىردەگى گۋمانيتارلىق جاعدايدى جاقسارتۋ قاجەتتىگىن، تۇركيا بۇل جاعدايعا ءوز ۇلەسىن قوسۋدى جالعاستىراتىنىن ايتتى»، - دەپ حابارلادى جۋرناليستەرگە تۇركيا پرەزيدەنتىنىڭ كەڭسەسىنەن.