تۇركسىب اۋدانى تۇرعىنىنىڭ سۇراعى: مەن بالالارعا ينكليۋزيۆتى ءبىلىم بەرەتىن ءارى كۇنىنە 25-30 ادام كەلەتىن مەكتەپكە كومەك كورسەتۋدى وتىنەمىن. بۇل - كۇندىزگى ورتالىق. ورتالىقتى جابدىقتاۋعا بىزدە 40 ملن تەڭگە كولەمىندە قاراجات بار، ءبىراق ءۇي-جاي جوق. قازىرگى ۋاقىتتا "باقىتتى وتباسى" كەڭسەسى ورنالاسقان زەنكوۆ، 15 ورتالىعى بەرىلسە نەمەسە ساۋرانبايەۆتاعى نىسانداردىڭ ءبىرىنشى قاباتتارىنان دا بولۋى مۇمكىن.
الماتى قالاسىنىڭ اكىمى ەربولات دوسايەۆ: "سىزگە كەزدەسۋلەر سايىن قالادا ينكليۋزيانى ارتتىرۋ ماسەلەلەرىن جۇيەلى تۇردە كوتەرىپ وتىرعانىڭىز ءۇشىن العىس ايتامىز. مەن ءۇشىن ولار ءارقاشان باسىمدىققا يە. اۋدان اكىمىنە تاپسىرما بەرەمىن. ورتالىقتى قۇرۋعا قاراجاتىڭىز بار-جوعىن ەسكەرە وتىرىپ، نە ىستەۋگە بولاتىنىن قاراستىرامىز. اۋدان اكىمدىگى ماسەلەنى ەكى اپتا بويى قارايدى، سودان كەيىن ماعان باياندايدى".
ەسكە سالساق، الماتى اكىمى ەربولات دوسايەۆتىڭ اۋدان تۇرعىندارىمەن كەزدەسۋى "الماتى" تەلەارناسىنىڭ ەفيرىندە سۋردو سۇيەمەلدەۋىمەن وتۋدە. بۇل قالا باسشىسىنىڭ مۇمكىندىگى شەكتەۋلى ازاماتتار مەن ەرەكشە قاجەتتىلىكتەرى بار ادامدار ءۇشىن الماتى قالاسىن بەيىمدەۋ جونىندەگى باستاماسىنىڭ ءبىر بولىگى.
الماتى اكىمدىگى قالادا بارلىق قاجەتتى جايلىلىقتارمەن ينكليۋزيۆتى ورتا قۇرۋعا، ونىڭ ىشىندە مۇگەدەكتىگى بار ادامداردى الەۋمەتتەندىرۋگە جانە بەيىمدەۋگە باعىت العان ەدى. ءار اۋداندا مۇمكىندىگى شەكتەۋلى ازاماتتارعا ارنالعان الەۋمەتتىك قولداۋ ورتالىقتارى، وقۋ جانە ءبىلىم بەرۋ مەكەمەلەرى بەلسەندى جۇمىس ىستەيدى، سونداي-اق الەۋمەتتىك باعىتتاعى وبەكتىلەر مۇگەدەكتىگى بار ادامداردىڭ قاجەتتىلىكتەرىن ەسكەرە وتىرىپ جايلاستىرىلادى.
بۇدان باسقا، ەربولات دوسايەۆتىڭ باستاماسىمەن الماتىدا مۇمكىندىگى شەكتەۋلى ازاماتتار مەن مۇگەدەك ادامدارعا ارنالعان نىسانداردى بەيىمدەۋ جوباسى جۇزەگە اسىرىلۋدا. ول ءۇشىن مەگاپوليستە 2023 جىلدان باستاپ العاش رەت الەۋمەتتىك نىسانداردى پاسپورتتاۋ بويىنشا اۋقىمدى جۇمىستار جۇرگىزىلۋدە.