الماتى قالاسىنىڭ اكىمى ەربولات دوسايەۆ شتابتا ساعات 00:20-دان باستاپ جەدەل شتابتىڭ شۇعىل كەڭەسىن وتكىزىپ جاتىر، وندا ودان ءارى ءىس-قيمىل جوسپارى تالقىلانىپ جاتىر، دەپ حابارلايدى almaty-akshamy.kz
قالانىڭ تىرشىلىكتى قامتاماسىز ەتۋدىڭ بارلىق جۇيەسى قوسىلعان.
قالانىڭ پوليسيا دەپارتامەنتى شتاتتىق رەجيمدە جۇمىس ىستەۋدە.
بارلىق مەكتەپ مەن بالاباقشا اشىق، حالىقتى جيناۋ پۋنكتتەرى جۇمىس ىستەپ تۇر.
جەدەل مەديسينالىق جاردەم قىزمەتى جانە بارلىق كوپ بەيىندى ستاسيونارلار، ونىڭ ىشىندە مامانداندىرىلعان ستاسيونارلار، بالالار ستاسيونارلارى، قالانىڭ بوساندىرۋ ۇيىمدارى كۇشەيتىلگەن رەجيمدە جۇمىس ىستەپ تۇر.
جالعان اقپاراتقا سەنبەۋلەرىڭىزدى جانە تاراتپاۋلارىڭىزدى سۇرايمىز. تەك رەسمي دەرەككوزدەرگە سەنۋگە شاقىرامىز.
الماتى قالاسىندا جەر سىلكىنىسىنە بايلانىستى 8 727 278 20 83 جانە 8 727 278 20 84 نومىرلەرى بويىنشا جەدەل جەلى جۇمىس ىستەيدى.
الماتىداعى بارلىق جينالۋ نۇكتەسى اشىق جانە جۇمىس ىستەيدى. تج كەزىندە حالىق جينالاتىن ورىندار تىزىمىمەن تومەندەگى سىلتەمە ارقىلى تانىسا الاسىزدار.