الماتى اكىمى ەربولات دوسايەۆ 2018 جىلى 8،9 ملرد تەڭگە بولاتىن جەكە ينۆەستيسيا ەسەبىنەن سالىنعان New Generation School (NGS) مەكتەبىنە باردى.
وقۋ ورنى ەكى عيماراتتان تۇرادى. ءبىرىنشىسى 2018 جىلى سالىنعان، وندا primary جانە middle school (باستاۋىش جانە ورتا مەكتەپ) ورنالاسقان. 2023 جىلى ينۆەستيسيا كولەمى 4 ملرد تەڭگە بولاتىن جاڭا High School (جوعارى مەكتەپ) عيماراتى اشىلدى، دەپ حابارلايدى اlmaty-akshamy.kz.
قالا اكىمى كوۆوركينگ ورتالىقتى، اكت زالىن، وقۋ كابينەتتەرى مەن روبوتوتەحنيكا سىنىبىن، اسحانا مەن كىتاپحانانى ارالاپ، زەرتحانا، حيميا، فيزيكا، ماتەماتيكا مامانداندىرىلعان كابينەتتەرىنىڭ، سونداي-اق سپورت جانە ترەناجەر زالدارىنىڭ، باسسەين مەن ارت-الاڭنىڭ جۇمىسىمەن تانىستى.
ەربولات دوسايەۆ وقۋشىلارمەن جانە پەداگوگتارمەن اڭگىمەلەستى، بالالاردى وقىتۋ مەن تۇلعالىق دامىتۋ ادىستەمەسىمەن تانىستى، قالانىڭ باسقا مەكتەپتەرى ءۇشىن ۇلگى بولا الاتىن وقۋ ۇدەرىسىنىڭ جوعارى ۇيىمداستىرىلعانىن اتادى. سونداي-اق، قالا اكىمى تۇلەكتەرگە وقۋدا، شىعارماشىلىق جولىندا تابىس تىلەپ، مۇعالىمدەردىڭ ەڭبەگىنە العىس ايتىپ، تىلەكتەر كىتابىنا جازبا قالدىردى.
«ءبىز «مەكتەپتەگى مەكتەپ» قاعيداتى بويىنشا جۇمىس ىستەيمىز، ياعني بالالار وسىندا وقىپ، ءۇي تاپسىرماسىن ورىندايدى، ءتۇرلى ۇيىرمە مەن سەكسياعا قاتىسادى. بالالار جۇزۋمەن اينالىسادى، بوكسقا بارادى، فۋتبول وينايدى، سۋرەت سالادى»، - دەدى باستاۋىش مەكتەپ ديرەكتورى رۋفينا حيسامۋتدينوۆا.
مەكتەپ اۋماعىنا ادامنىڭ بيومەترياسى فۋنكسياسى بار وتكىزۋ جۇيەسى ارقىلى كىرۋگە بولادى، بوتەن ادام كىرە المايدى، 200-دەن استام بەينەباقىلاۋ كامەراسى ورناتىلعان. سەيسميكالىق جاتتىعۋلار تۇراقتى تۇردە وتكىزىلىپ، بالالار توتەنشە جاعدايلار كەزىندە ىس-ارەكەتىن پىسىقتايدى.
بۇگىندە اۋماقتا وقۋشىلاردىڭ دامۋى مەن شىعارماشىلىعى ءۇشىن جالپى اۋدانى 20 مىڭ شارشى مەتردەن اساتىن ەكى وقۋ عيماراتى ورنالاسقان. مەكتەپ 0-11 سىنىپ وقۋشىلارى ءۇشىن 1350 ورىن ەسەپتەلگەن، 300-دەن استام جۇمىس ورنى قۇرىلعان.
ءسوز سوڭىندا ەربولات دوسايەۆ اكىمدىك الماتىداعى مەكتەپتىڭ ءبىلىم بەرۋ جۇيەسىنە جەكە ينۆەستيسيا تارتۋدى قولدايتىنىن جەتكىزدى. جالپى، بۇگىندە مەگاپوليستە 122 جەكەمەنشىك مەكتەپ بار، وندا 35689 بالا وقيدى. 2022-2023 جىلدارى 5539 ورىندىق 22 جەكەمەنشىك مەكتەپ اشىلدى.
