مەدەۋ اۋدانىنىڭ تۇرعىندارىمەن كەزدەسۋدە الماتى اكىمى ەربولات دوسايەۆ تاۋ بوكتەرىندەگى كوشكىندەردىڭ الدىن الۋ بوي̆ىنشا قابىلدانىپ جاتقان شارالار تۋرالى حابارلادى. وسى ماقساتتا مەدەۋ اۋدانىندا 2024 جىلى 82 ۋچاسكە ەگجەي̆-تەگجەي̆ءلى زەرتتەلدى، دەپ حابارلايدى aqshamnews.kz
«مەدەۋ اۋدانىنىڭ تاۋ الاپتارى تۇرعىندارىنىڭ قاۋىپسىزدىگىن قامتاماسىز ەتۋگە ەرەكشە كوڭىل بولىنەدى. وتكەن جىلدىڭ قازان اي̆ىندا قالا رەزەرۆىنەن 1،5 ملرد تەڭگە ءبولىنىپ، 17 تۇراقسىز ۋچاسكەنى نىعاي̆تۋ باستالدى. جۇمىستى بيىل جازدا اياقتاۋ جوسپارلانىپ وتىر»، - دەدى ەربولات دوسايەۆ.
بۇدان بولەك، 28 جەر تەلىمىنىڭ يەلەرىنە توپىراقتىڭ شاي̆ىلۋىن بولدىرماۋ جانە سۋ بۇرۋ قاجەتتىلىگى بوي̆ىنشا ساراپشىلاردىڭ ۇسىنىمدارى بەرىلدى. تاعى 16 ۋچاسكەدە توپىراقتىڭ بۇزىلۋىن، رەلەفتىڭ دەفورماسياسىن جانە ىقتيمال كوشكىندەردى بولدىرماۋ ماقساتىندا جۇمىستار جۇرگىزىلۋدە. وعان ءقاۋىپتى قۇرىلىستاردى ءسۇرۋ، جەر تەلىمدەرىن ساتىپ الۋ جانە ولاردى بەكىتۋ شارالارى كىرەدى.
وليمپيي̆سكايا كوشەسىندە، 2023 جىلدىڭ اقپان اي̆ىندا كوشكىن جۇرگەن جەردە 1 500 شارشى مەتر تاۋ بوكتەرى تازارتىلدى، 900 تەكشە مەتر گابيوندى قۇرىلىم ورناتىلدى، 770 مەتر نوسەرلى كارىز ناۋالارى سالىندى، 780 شارشى مەتر تروتۋار تاستارى توسەلدى، 2 700 شارشى مەتر اۋماقتى قامتيتىن ارقاندى-تورلى ءجۇي̆ە ورناتۋ جۇمىستارى اياقتالدى.
«قازسەلدەنقورعاۋ» ماماندارىنىڭ مالىمەتىنشە، سوڭعى جىلدارى تاۋلى اي̆ماقتاردا كوشكىن ءقاۋپى ارتىپ كەلەدى. بۇل جاعداي̆ كوبىنە تالاپتارعا ساي̆ كەلمەي̆ءتىن رەتسىز قۇرىلىستاردىڭ سالدارىنان تۋىنداپ وتىر. كوپتەگەن تۇرعىن ءۇي̆ توپىراقتىڭ شوگۋى ىقتيمال جەرلەردە سالىنعان. تاۋ بوكتەرلەرى وي̆ىلىپ، سۋ قۇبىرلارى مەن كارىز ءجۇي̆ەلەرى دۇرىس جوسپارلانباي̆ ورنالاستىرىلعان. كەي̆ءبىر جاعداي̆دا اعىندى سۋلار گەرمەتيكالىق ەمەس سەپتيكتەرگە جىبەرىلىپ، جەرگە ءسىڭىپ، توپىراقتىڭ تۇراقسىزدانۋىنا اكەلىپ سوققان.
وسى ماسەلەنى ءجۇي̆ەلى تۇردە شەشۋ ءۇشىن 2022 جىلدىڭ ماۋسىم اي̆ىندا الماتى اكىمى ەربولات دوسايەۆتىڭ باستاماسىمەن تاۋ بوكتەرىنىڭ ەڭىسى 15 گرادۋستان اساتىن ۋچاسكەلەردە قۇرىلىس جۇرگىزۋگە تىي̆ىم سالىندى. بۇل تالاپ 2023 جىلدىڭ سوڭىندا ءماسليحات بەكىتكەن الماتى قالاسىنىڭ جاڭا قۇرىلىس ەرەجەلەرىنە ەنگىزىلدى.
جاڭا قۇرىلىس ەرەجەلەرى سەي̆ءسموقاۋىپتى اي̆ماقتارداعى جانە تاۋ ەتەگىندەگى «تاۋ سورەلەرى» دەپ اتالاتىن ۋچاسكەلەردە قۇرىلىس جۇرگىزۋ ءتارتىبىن ناقتى رەتتەي̆ءدى. شااج، ءال-فارابي داڭعىلى، ساين جانە جاندوسوۆ كوشەلەرىنىڭ وڭتۇستىگىندە، كولبەۋلىگى 15 گرادۋستان اساتىن تاۋ بوكتەرلەرىندە قۇرىلىس جۇرگىزۋگە قاتاڭ تىي̆ىم سالىندى.
سونىمەن قاتار، بۇرىن قابىلدانعان شەشىمدەر دە بەكىتىلدى: عيماراتتاردىڭ بيىكتىگى 12 مەتردەن (3 قاباتتان) اسپاۋى ءتيىس (قوعامدىق-مادەني نىسانداردان باسقا). قاي̆تا جاڭارتۋ كەزىندە تەرراسالار مەن تەحنيكالىق قاباتتاردى تۇرعىن ءۇي̆گە اي̆نالدىرۋعا جول بەرىلمەي̆ءدى.
وسىلاي̆شا، جاڭا قۇرىلىس ەرەجەلەرى قالاداعى قۇرىلىس كومپانيالارىنىڭ نەگىزگى جۇمىس شارتتارىن تۇپكىلىكتى بەكىتتى جانە بۇرىن رەتتەلمەگەن جەكە تۇلعالاردىڭ جاۋاپكەرشىلىك اي̆ماعىن ناقتىلادى