بۇگىن پرەمەر-مينيستردىڭ ورىنباسارى ەرالى توعجانوۆتىڭ توراعالىعىمەن مەملەكەتتىك ورگانداردىڭ باسشىلارى مەن ەلىمىزدىڭ جەتەكشى عالىمدارىنىڭ قاتىسۋىمەن بيولوگيالىق قاۋىپسىزدىك ماسەلەلەرى جونىندەگى كەڭەستىڭ وتىرىسى ءوتتى.
كەڭەستە ەلىمىزدىڭ بيوقاۋىپسىزدىگىن قامتاماسىز ەتۋ ماسەلەلەرى بويىنشا مەملەكەت باسشىسىنىڭ قازاقستان حالقىنا جولداۋىندا قويىلعان مىندەتتەر تالقىلاندى، دەپ حابارلايدى Almaty-akshamy.kz
سونداي-اق، «نازاربايەۆ ۋنيۆەرسيتەتى» دببۇ، «ينفەكسياعا قارسى پرەپاراتتار عىلىمي ورتالىعى» اق، «فيتوحيميا» حولدينگى، «د. ۆ. سوكولسكيي اتىنداعى وتىن، كاتاليز جانە ەلەكتروحيميا ينستيتۋتى» اق، «ميكروبيولوگيا جانە ۆيرۋسولوگيا عىلىمي-وندىرىستىك ورتالىعى» ج ش س جانە ت.ب. ورتالىقتار جۇرگىزىپ جاتقان COVID-19-عا قارسى وتاندىق دارىلىك زاتتاردى ازىرلەۋ ماسەلەسى تالقىلاندى.
كەڭەس وتىرىسىنىڭ قورىتىندىسى بويىنشا ەرالى توعجانوۆ كەلەسىدەي ءبىرقاتار تاپسىرما بەردى: ەپيدەميولوگيالىق سىن-تەگەۋرىندەرگە قارسى قاۋىپسىزدىكتى قامتاماسىز ەتۋ سالاسىندا عىلىمي-زەرتتەۋ جانە يننوۆاسيالىق قىزمەتتىڭ تيىمدىلىگىن كۇشەيتۋ جونىندە ۇسىنىستار ازىرلەۋ جونىندەگى جۇمىس توبىن قۇرۋ؛ عىلىمي-زەرتتەۋ جانە يننوۆاسيالىق جۇمىستاردى ىسكە اسىرۋ جونىندەگى كەشەندى جوسپار ازىرلەۋ؛ ەپيدەميولوگيالىق قاۋىپسىزدىكتى قامتاماسىز ەتۋگە جانە ينفەكسيالىق اۋرۋلارعا قارسى دارىلىك پرەپاراتتاردىڭ جاڭا تۇرلەرىن ازىرلەۋگە باعىتتالعان عىلىمي جانە يننوۆاسيالىق جوبالاردى نىسانالى قارجىلاندىرۋدى قامتاماسىز ەتۋ جونىندە ۇسىنىستار ەنگىزۋ؛ بيولوگيالىق قاۋىپسىزدىك سالاسىنداعى وتاندىق عىلىمي ينستيتۋتتاردىڭ عىلىمي-كادرلىق، ماتەريالدىق-تەحنيكالىق الەۋەتىن دامىتۋ جونىندەگى ناقتى ۇسىنىستاردى تالداۋ جانە ەنگىزۋ.