ەر ادام ءجۇرىپ بارا جاتقان ۇشاقتان سەكىرىپ كەتتى

جولاۋشى ۇشاقتان سەكىرىپ ءتۇسىپ قالعان سوڭ ۇشۋ-قونۋ الاڭىنان ءورت ءسوندىرۋ ستانسياسىنىڭ عيماراتىنا قاراي بەت الىپ، سونداعى ءبىر بولمەگە كىرىپ، ىشىنەن تارس قۇلىپتاپ الدى

30 جاستاعى ەر ادام اقش-تاعى فەنيكس سكاي-حاربور حالىقارالىق اۋەجايىندا جىلجىپ بارا جاتقان ۇشاقتان سەكىرىپ كەتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.

ۇشاق ۇشۋ الاڭىنداعى جولاقتىڭ بىرىنە بەت الىپ بارا جاتقان، دەپ جازادى گازەتا.رۋ. وقىس وقيعا كولورادو سپرينگس قالاسىنان ۇشىپ كەلگەن №4236 رەيسىندە بولدى.

«الدىن الا دەرەكتەر بويىنشا، ۇشاق ۇشۋ الاڭىنداعى جولاقتىڭ بىرىنە قاراي جىلجىپ بارا جاتقاندا بورتتاعى جولاۋشىنىڭ ءبىرى اۋە كەمەسىنىڭ ارتقى بولىگىندەگى ليۋك ارقىلى سىرتقا سەكىرىپ كەتكەن»،-دەيدى Southwest Airlines كومپانياسىنىڭ وكىلى دەن لەندسون.

وسىدان كەيىن كاپيتان ۇشاقتى توقتاتىپ، اۆياسيالىق-ديسپەچەرلىك قىزمەتتى بولعان جايدان حاباردار ەتتى، دەپ اتاپ ءوتتى ول. ەر ادام ۇشۋ-قونۋ الاڭىنا قۇلاپ، اياعىن جاراقاتتادى.

جولاۋشى ۇشاقتان سەكىرىپ ءتۇسىپ قالعان سوڭ ۇشۋ-قونۋ الاڭىنان ءورت ءسوندىرۋ ستانسياسىنىڭ عيماراتىنا قاراي بەت الىپ، سونداعى ءبىر بولمەگە كىرىپ، ىشىنەن تارس قۇلىپتاپ الدى. ءورت سوندىرۋشىلەر ەر ادامنىڭ ءوز بەتىمەن ەسىك اشۋعا كوندىردى. ونى تەكسەرىپ، اياق جاراقاتىمەن اۋرۋحاناعا جەتكىزدى.

ۇشاق رەيسى شامالى كىدىرىس پەن ماسەلە تالقىسىنان سوڭ ءوز مارشرۋتى بويىنشا جولعا شىقتى. لاينەر كولورادو سپرينگسكە امان-ەسەن ۇشىپ كەتتى.