تاراپتار ارنايى مەموراندۋمعا قول قويدى.
ەۋروپالىق قايتا قۇرۋ جانە دامۋ بانكى قازاقستان ۇكىمەتىنە قولداۋ كورسەتۋگە دايىن، دەپ حابارلايدى Almaty-akshamy.kz.
«بۇگىن ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆتىڭ ەۋروپالىق قايتا قۇرۋ جانە دامۋ بانكىنىڭ (ەقدب) ۆيسە-پرەزيدەنتى الان پيۋمەن كەزدەسۋى ءوتتى.كەزدەسۋ بارىسىندا تاراپتار مەتان شىعارىندىلارىن ازايتۋ ءۇشىن ءوزارا ىنتىماقتاستىق جانە قازاقستانعا قولداۋ كورسەتۋ تۋرالى مەموراندۋمعا قول قويدى»،- دەلىنگەن ەكولوگيا مينيسترلىگىنىڭ باسپا ءسوز قىزمەتىنىڭ حابارلاماسىندا.
مەتان شىعارىندىلارىن ازايتۋ، مونيتورينگتى، ەسەپتىلىكتى جانە ءار ءتۇرلى سالالارداعى ۆەريفيكاسيانى جاقسارتۋ ءبىزدىڭ ەلىمىز ءۇشىن ماڭىزدى مىندەت بولىپ تابىلادى. ەقدب قازاقستاننىڭ ەنەرگەتيكا جانە گاز تاسىمالداۋ، اۋىل شارۋاشىلىعى، قاتتى-تۇرمىستىق قالدىقتار مەن سۋ بۇرۋ سالاسىنداعى نەگىزگى سەكتورلارعا باسا نازار اۋدارا وتىرىپ، وسى باعىتتاعى كۇش-جىگەردى قولداۋعا نيەتتى.
مەموراندۋمدى ىسكە اسىرۋ شەڭبەرىندە تاراپتار مەتاندى ازايتۋ سالاسىنداعى جوبالاردى بىرلەسىپ ىسكە اسىرۋعا كىرىسۋگە، سونداي-اق ەڭ ۇزدىك حالىقارالىق پراكتيكا مەن ستاندارتتارعا سايكەس گازدىڭ وسى ءتۇرىن رەتتەۋدىڭ جاڭا قۇرالدارى بويىنشا مۇمكىندىكتەردى پايدالانۋدى قاراۋعا دايىن.
مەموراندۋم ەلدىڭ 2060 جىلعا قاراي كومىرتەگى بەيتاراپتىعىنا قول جەتكىزۋىنە ىقپال ەتەتىن بولادى.