بۇل پرەپاراتتاردىڭ جاپپاي قولدانىلۋ-قولدانىلماۋى ءالى بەلگىسىز
ەۋروپالىق دارى-دارمەك اگەنتتىگى كوروناۆيرۋسقا قارسى تاعى ەكى ۆاكسينا — Pfizer جانە Moderna پرەپاراتتارىن سەرتيفيكاتتادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇلار - وسى جىلى پاندەميانىڭ كەڭ ەتەك الۋىنا سەبەپكەر بولعان وميكرون شتامىمەن كۇرەسۋگە بەيىمدەلگەن ۆاكسينالار.
Euronews سايتىنىڭ مالىمەتىنشە، سەرتيفيكاتتالعان پرەپاراتتار ينفەكسيانىڭ اۋەلگى نۇسقاسىنا قارسى دا ءتيىمدى ەكەنى ايتىلدى. ساراپشىلار وسى ۆاكسينالار ۆيرۋستىڭ بۇدان كەيىنگى دە مۋتاسيالارىنان جاقسى قورعاي الاتىنىنا سەنىم ارتىپ وتىر.
بۇل پرەپاراتتاردىڭ جاپپاي قولدانىلۋ-قولدانىلماۋى ءالى بەلگىسىز. ەۋروپالىق اگەنتتىك سوڭعى دوزانى العاننان كەيىن كەمىندە ءۇش ايدان كەيىن ريەۆاكسيناسيا جۇرگىزۋدى ۇسىنادى.