ەو جاسوسپىرىمدەرگە ارنالعان تاعى ءبىر ۆاكسينانى ماقۇلدادى

12 جاستان اسقان جاسوسپىرىمدەرگە ارنالعان Comirnaty ۆاكسيناسىنىڭ ۇدەتكىش دوزاسىن ماقۇلداندى

ەۋروپالىق وداق رەتتەۋشىسى 12 جاستان باستاپ جاسوسپىرىمدەرگە ارنالعان Comirnaty ۆاكسيناسىنىڭ ۇدەتكىش دوزاسىن ماقۇلدادى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ مالىمەتتەرىنە سىلتەمە جاساپ.

سونىمەن قاتار، ەۋروپالىق دارى-دارمەكتەر اگەنتتىگى (EMA) 6-11 جاس ارالىعىنداعى بالالاردى Moderna كومپانياسىنىڭ Spikevax پرەپاراتىمەن ۆاكسيناسيالاۋ تۋرالى ءوتىنىشىن ماقۇلداۋدى ۇسىندى.

يتاليا بيلىگى 31 ناۋرىزدان باستاپ كوۆيدكە بايلانىستى توتەنشە جاعداي رەجيمىن ۇزارتپايدى. اتاپ ايتقاندا، ەلدە قوعامدىق ورىندارعا بارۋ ءۇشىن قاجەت بولاتىن ۆاكسينالىق رۇقساتتامالاردى كەزەڭ-كەزەڭىمەن الىپ تاستاۋ جوسپارلانۋدا.

بۇل، ەڭ الدىمەن، جارمەڭكەلەر، سپورتتىق ءىس-شارالار، فەستيۆالدار مەن شوۋلاردى قوسا العاندا، اشىق اسپان استىنداعى بۇقارالىق ءىس-شارالارعا قاتىسۋشىلارعا قاتىستى بولادى.

نيۋ-دەلي بيلىگى 28 اقپاننان باستاپ covid-19 ۆيرۋسىنا بايلانىستى شەكتەۋلەردى الىپ تاستاي باستايدى. قالادا كومەندانتتىق ساعات توقتاتىلادى، سونىمەن قاتار ماسكالار بولماعانى ءۇشىن ايىپپۇل مولشەرى 1000-نان 500-گە دەيىن تومەندەتىلەدى. ءۇندىستان استاناسىنىڭ باس ءمينيسترى ارۆيند كەجريۆال اتاپ وتكەندەي، نيۋ-دەلي مەكتەپتەرىندە كۇندىزگى وقۋ 1 ساۋىردەن باستاپ قايتا باستالادى.