ەلەنا رىباكينا Australian Open تۋرنيرىندە رەسەيلىك اننا بلينكوۆادان جەڭىلىپ، جارىسپەن قوش ايتىستى.
جارتى ساعاتتان استام ۋاقىتقا سوزىلعان شەشۋشى تاي-برەيك 22:20 ەسەبىمەن (42 ۇپاي) رەسەيلىك تەننيسشىنىڭ پايداسىنا شەشىلدى.
بۇل — جەكەلەي سىندا «ۇلكەن دۋلىعا» تۋرنيرلەرىندە ەڭ ۇزاققا سوزىلعان تاي-برەيك. بۇدان بۇرىنعى رەكورد 38 ۇپاي بولاتىن. 2007 جىلى Australian Open تۋرنيرىندە فرانسيالىق جو-ۆيلفريد سونگا ۇلىبريتانيالىق ەندي روديكتى ءبىرىنشى سەتتەگى تاي-برەيكتە 20:18 ەسەبىمەن ۇتقان ەدى.
سونداي-اق ۋكراينالىق لەسيا سۋرەنكو وتكەن جىلى ۋيمبلدوندا رۋمىنيالىق انا بوگداندى ءۇشىنشى پارتيادا ءدال وسىنداي ەسەپپەن جەڭىپ، اتالمىش كورسەتكىشتى قايتالاعان بولاتىن.
اۋستراليا اشىق چەمپيوناتىنىڭ ەكىنشى اينالىمىنان اسا الماعان ە.رىباكينا WTA Live رەيتينگىسىندە قازىرگى ساتتە 3-تەن 5-ورىنعا ءتۇسىپ قالدى.