تۇيتكىلدى سۇراقتارعا جاۋاپ بەردى.
ەنەرگەتيكا ءمينيسترى الماتىداعى ءىسساپارىنىڭ اياسىندا قالا تۇرعىندارىمەن كەزدەستى، دەپ حابارلايدى Almaty-akshamy.kz Almaty.tv سىلتەمە جاساپ.
تۇيتكىلدى سۇراقتارعا جاۋاپ بەرگەن بولات اقشولاقوۆ ءار سەكتور بويىنشا جۇمىستىڭ جوسپارى مەن جوباسىن تانىستىردى. اسىرەسە، قالاداعى ەكولوگيا، گاز بەن جارىق جۇيەسىنە باسا نازار اۋدارعان جيىنعا قاتىسۋشىلار اتالعان ماسەلەلەردىڭ شەشىمى تابىلسا دەيدى.
«گازبەن قامتاماسىز ەتۋ بەكەتى قازىرگى ۋاقىتتا جەتىسپەيدى. سوعان بايلانىستى مينيسترگە ۇسىنىس ايتقانبىز. اۆتوبۋستاردى قوسىمشا گازبەن قامتاماسىز ەتۋ، اۆتوبۋس بەكەتتەرىن سالۋ تۋرالى ۇسىنىس ايتتىق»، – دەدى قالالىق ءماسليحات دەپۋتاتى ەسەنگەلدى تالبيدينوۆ.
تۇرعىندار سۇراعىنا جاۋاپ بەرگەن ەنەرگەتيكا ءمينيسترى گازبەن جۇرەتىن كولىكتەردىڭ ماسەلەسى قاراستىرىلىپ جاتقانىن ايتتى. بۇل ماقساتتا قالادا قوسىمشا بەكەتتەردى سالۋ كۇن تارتىبىندە تۇر.